ന്യൂഡല്ഹി: കൊവിഡ് ബാധിച്ച് മരിച്ചവരുടെ കുടുംബത്തിന് നഷ്ടപരിഹാരം നല്കുന്നതില് സാവകാശം തേടി കേന്ദ്രസര്ക്കാര്. മാര്ഗനിര്ദേശം തയാറാക്കാന് നാലാഴ്ചത്തെ സമയം വേണമെന്ന് കേന്ദ്രം സുപ്രിംകോടതിയെ അറിയിച്ചു. ജൂണ് 30നാണ് കൊവിഡ് ബാധിച്ച് മരിച്ചവരുടെ കുടുംബത്തിന് നഷ്ടപരിഹാരം നല്കണമെന്ന് സുപ്രിംകോടതി കേന്ദ്രസര്ക്കാരിന് നിര്ദേശം നല്കിയത്. മാര്ഗരേഖ തയാറാക്കാന് കേന്ദ്രത്തിന് ആറാഴ്ചത്തെ സമയം അനുവദിക്കുകയും ചെയ്തിരുന്നു.
എത്ര തുക എന്ന കാര്യത്തില് കേന്ദ്രത്തിന് തീരുമാനമെടുക്കാമെന്ന് സുപ്രിം കോടതി അറിയിച്ചിരുന്നു. കൊവിഡ് അനുബന്ധ രോഗങ്ങള് ബാധിച്ചുള്ള മരണങ്ങളും കൊവിഡ് മരണമായി കണക്കാക്കണമെന്നും മരണ സര്ട്ടിഫിക്കറ്റില് ഇക്കാര്യം വ്യക്തമാക്കണമെന്നും നിര്ദേശിച്ചു. ദേശീയ ദുരന്ത നിവാരണ അതോറിറ്റിക്ക് സമഗ്രമായ മാര്ഗനിര്ദേശം തയാറാക്കാന് സമയം വേണമെന്നും ധൃതി പിടിച്ചാല് വിപരീതഫലം ഉണ്ടായേക്കാമെന്നുമാണ് കേന്ദ്രം സുപ്രിം കോടതിയില് വാദിച്ചത്.