ചെന്നൈ: ചെന്നൈയിലും തമിഴ്‌നാട്ടിലെ ഏതാനും ജില്ലകളിലും പ്രഖ്യാപിച്ചിരുന്ന ലോക്ക്ഡൗണ്‍ നിയന്ത്രണങ്ങളില്‍ നാളെ മുതല്‍ ഇളവ് നല്‍കും. മുഖ്യമന്ത്രി എടപ്പാടി കെ പളനിസ്വാമിയാണ് ജൂണ്‍ 6 മുതല്‍ ലോക്ക് ഡൗണ്‍ ഇളവുകള്‍ പ്രഖ്യാപിച്ചത്. എല്ലാ പലചരക്ക് പച്ചക്കറി കടകള്‍ക്കും 12 മണിക്കൂര്‍ തുറക്കാന്‍ അനുമതി നല്‍കിയിട്ടുണ്ട്. രാവിലെ ആറിന് തുടങ്ങി രാത്രി ആറ് വരെ പലചരക്ക്- പച്ചക്കറി കടകള്‍ തുറന്നിരിക്കാം.
ചെന്നൈ, തിരുവള്ളുവര്‍, കാഞ്ചീപുരം, ചെങ്കല്‍പേട്ട് ജില്ലകളില്‍ 12 മണിക്കൂര്‍ ലോക്ക് ഡൗണ്‍ ജൂണ്‍ 19 മുതലാണ് നിലവില്‍ വന്നത്.
സംസ്ഥാനത്ത് ഇതുവരെ 1,07,001 പേര്‍ക്കാണ് കൊവിഡ് സ്ഥിരീകരിച്ചിട്ടുള്ളത്. അതില്‍ 60,592 പേര്‍ രോഗമുക്തരാക്കി. 1385 പേര്‍ മരിച്ചു.