ബെംഗളുരു: അപകീര്‍ത്തിക്കേസില്‍ മുന്‍ കര്‍ണാടക മുഖ്യമന്ത്രിയും ജനതാദള്‍ (എസ്) ദേശീയാധ്യക്ഷനുമായ എച്ച് ഡി ദേവഗൗഡ രണ്ടുകോടി രൂപ നഷ്ടപരിഹാരം നല്‍കണമെന്ന് കോടതി വിധിച്ചു. ബെംഗളൂരു മൈസൂരു എക്‌സ്പ്രസ് ഹൈവേ പദ്ധതിക്ക് ഭൂമി ഏറ്റെടുത്തതില്‍ ക്രമക്കേടുണ്ടെന്നു ഗൗഡ ആരോപിച്ചതിനെതിരെ നന്ദി ഇന്‍ഫ്രാസ്ട്രക്ചര്‍ കോറിഡോര്‍ എന്റര്‍െ്രെപസ് (നൈസ്) ആണ് കോടതിയെ സമീപിച്ചത്. 2011ല്‍ ടിവി അഭിമുഖത്തിലായിരുന്നു ആരോപണം. ജനോപകാര പദ്ധതിയുടെ പൂര്‍ത്തീകരണത്തെ ബാധിക്കുന്ന തരത്തില്‍ ഭാവിയില്‍ ഇത്തരം പരാമര്‍ശങ്ങള്‍ നടത്തരുതെന്നു കോടതി ഗൗഡയ്ക്കു താക്കീതും നല്‍കി.
