ഭാര്യയെ കൊലപ്പെടുത്തിയ ബിജെപി നേതാവും കാമുകിയും പിടിയില്‍

രാജസ്ഥാന്‍: അജ്മീറില്‍ ഭാര്യയെ കൊലപ്പെടുത്തിയ ബിജെപി നേതാവും കാമുകിയും പോലിസ് പിടിയിലായി. ബിജെപി നേതാവ് രോഹിത് സെയ്നി, കാമുകി റിതു സെയ്നി എന്നിവരാണ് പിടിയിലായത്. ഭാര്യയെ മോഷ്ടാക്കള്‍ കൊലപ്പെടുത്തിയെന്നായിരുന്നു രോഹിത്തിന്റെ ആരോപണം. ആഗസ്റ്റ് 10നാണ് ഭാര്യ സഞ്ജുവിനെ കൊല്ലപ്പെട്ട നിലയില്‍ കണ്ടെത്തിയത്. പിന്നാലെ അജ്ഞാത സംഘത്തിനായി പൊലീസ് തിരച്ചില്‍ നടത്തിയെങ്കിലും രോഹിത് സെയ്നി പലപ്പോഴായി നല്‍കിയ മൊഴിയില്‍ പൊരുത്തക്കേട് മനസിലാക്കിയ പോലിസിന് സംശയം തോന്നുകയായിരുന്നു. കൊലപാതകം നടത്തിയത് താനാണെന്ന് രോഹിത് പോലിസിനോട് സമ്മതിച്ചു. ഇരുവരും പോലിസ് കസ്റ്റഡിയിലാണെന്നും. കൂടുതല്‍ വിവരങ്ങള്‍ ശേഖരിച്ച് വരികയാണെന്നും പോലിസ് അറിയിച്ചു.