ബിജെപിയുടെ ജന സമ്പര്ക്ക പരിപാടിക്ക് ഇന്ന് തുടക്കം
റാലിയില് കേന്ദ്ര ആഭ്യന്തര മന്ത്രിയും പാര്ട്ടി അധ്യക്ഷനുമായ അമിത് ഷാ ഇന്ന് ബൂത്ത് തല പ്രവര്ത്തകരെ അഭിസംബോധന ചെയ്യും.
ന്യൂഡല്ഹി: ഡല്ഹി നിയമസഭാ തിരഞ്ഞെടുപ്പിന് മുന്നോടിയായി നടക്കുന്ന ബഹുജന സമ്പര്ക്ക പരിപാടിക്ക് ഇന്ന് തുടക്കം കുറിക്കും. റാലിയില് കേന്ദ്ര ആഭ്യന്തര മന്ത്രിയും പാര്ട്ടി അധ്യക്ഷനുമായ അമിത് ഷാ ഇന്ന് ബൂത്ത് തല പ്രവര്ത്തകരെ അഭിസംബോധന ചെയ്യും. രാവിലെ 11.30 ക്ക് ഇന്ദിര ഗാന്ധി ഇന്ഡോര് സ്റ്റേഡിയത്തില് ആണ് സമ്മേളനം. തിരഞ്ഞെടുപ്പ് പ്രചരണത്തിന് പ്രവര്ത്തകരെ തയ്യാറാക്കുകയാണ് റാലിയുടെ ലക്ഷ്യം.
ഡല്ഹിയിലെ ആം ആദ്മി പാര്ട്ടിയുടെയും കോണ്ഗ്രസിന്റെയും സംയുക്ത ശക്തിയെ പരാജയപ്പെടുത്താന് അമിത് ഷാ ബൂത്ത് തൊഴിലാളികള്ക്ക് 51 ശതമാനം വോട്ട് വീതം നല്കുമെന്നാണ് സൂചന.അതേസമയം പൗരത്വ നിയമഭേദഗതിയെ അനുകൂലിച്ച് നടത്തുന്ന പരിപാടിയുമാണിത്. 30,000 പ്രവര്ത്തകര് സമ്മേളനത്തില് പങ്കെടുക്കാനെത്തുമെന്നാണ് വിവരം. ബിജെപി വര്ക്കിങ് പ്രസിഡന്റ് ജെ പി നഡ്ഡ, വൈസ് പ്രസിഡന്റ് ശ്യാം ജാജു എന്നിവരും പങ്കെടുക്കും.
പൗരത്വ ഭേദഗതി നിയമത്തെ അനുകൂലിച്ച് രാജ്യമെങ്ങും ബിജെപി സംഘടിപ്പിക്കുന്ന പ്രചാരണത്തിന്റെ ഭാഗമായി അമിത് ഷാ കേരളത്തിലും എത്തും. ഈ മാസം 15 മുതല് 25 വരെയാണ് കേരളത്തില് പ്രചാരണ പരിപാടികള് നിശ്ചയിച്ചിരിക്കുന്നത്. നിയമത്തെ അനുകൂലിച്ചുള്ള പ്രചാരണം ശക്തമാക്കാന് ബിജെപി ആര്എസ്എസ് നേതാക്കളുടെ യോഗത്തില് തീരുമാനമായി. ഉത്തര്പ്രദേശില് സമാജ്വാദി പാര്ട്ടിബാഹുജന് സമാജ് പാര്ട്ടിയുടെ സംയോജിത ശക്തിയെ ബിജെപി പരാജയപ്പെടുത്തിയെപ്പോലെ ഇതേ സൂത്രവാക്യം ഡല്ഹിയിലും പ്രയോഗിക്കുമെന്നും ബിജെപി മുതിര്ന്ന നേതാവ് പറഞ്ഞു.