കൊവിഡ്: കുവൈത്തില്‍ 4 പേര്‍ കൂടി മരിച്ചു
63 ഇന്ത്യക്കാര്‍ ഉള്‍പ്പെടെ 514 പേര്‍ക്കാണ് ഇന്ന് രോഗബാധ സ്ഥിരീകരിച്ചത്.
കുവൈത്ത് സിറ്റി : കുവൈത്തില്‍ കൊവിഡിനെ തുടര്‍ന്ന് 4 പേര്‍ കൂടി മരിച്ചു. ഇതോടെ രാജ്യത്ത് കൊറോണ വൈറസ് ബാധയെ തുടര്‍ന്ന് മരിച്ചവരുടെ എണ്ണം 289 ആയി. 63 ഇന്ത്യക്കാര്‍ ഉള്‍പ്പെടെ 514 പേര്‍ക്കാണ് ഇന്ന് രോഗബാധ സ്ഥിരീകരിച്ചത്. ഇതുവരെ 9786 ഇന്ത്യക്കാര്‍ക്ക് കുവൈത്തില്‍ കൊവിഡ് സ്ഥിരീകരിച്ചിട്ടുണ്ട്. ഇന്ന് 834 പേര്‍ രോഗമുക്തി നേടി. ആകെ 9295 പേരാണ് ഇപ്പോള്‍ ചികില്‍സയില്‍ കഴിയുന്നത്. ഇവരില്‍ 176 പേര്‍ തീവ്ര പരിചരണ വിഭാഗത്തിലാണെന്നും ആരോഗ്യ മന്ത്രാലയം വക്താവ് അബ്ദുല്ല അല്‍ സനദ് വാര്‍ത്താ സമ്മേളനത്തില്‍ അറിയിച്ചു