മാള: മാളയില്‍ പഴയ കെട്ടിടത്തിന്റെ ചുമര്‍ ഇടിഞ്ഞുവീണ് തൊഴിലാളിക്ക് ദാരുണാന്ത്യം. മാള സൗഹൃദ നഗറില്‍ പഴയ കെട്ടിടം പൊളിക്കുന്നതിനിടെയാണ് സംഭവം. ഒഡീഷ പടാകൊണ്ടൈ വില്ലേജില്‍ പനമലിയുടെ മകന്‍ ബികാരി നായ്ക് (21) ആണ് മരിച്ചത്.
ഇന്നലെ ഉച്ചയ്ക്ക് രണ്ടരയോടെയാണ് സംഭവം. ഗുരുതരമായി പരിക്കേറ്റ യുവാവിനെ സ്വകാര്യാശുപത്രിയിലെത്തിച്ചെങ്കിലും മരിക്കുകയായിരുന്നു. മാളയിലെ സ്വകാര്യാശുപത്രിയിലുള്ള മൃതദേഹം നടപടികള്‍ക്ക് ശേഷം ഇന്ന് നാട്ടിലേക്ക് കൊണ്ടുപോവുമെന്ന് മാള പോലിസ് അറിയിച്ചു.