മീനച്ചിലാറ്റില് കാണാതായ മൂന്നു വിദ്യാര്ഥികളില് രണ്ടുപേരുടെ മൃതദേഹം കണ്ടെത്തി
പുതുപ്പള്ളി ഐഎച്ച്ആര്ഡി കോളജിലെ വിദ്യാര്ഥികളായ ഷിബിന് ജേക്കബ്, അലന് എന്നിവരുടെ മൃതദേഹങ്ങളാണ് കണ്ടെത്തിയത്
കോട്ടയം: പാറമ്പുഴ മീനച്ചിലാറ്റില് കുളിക്കുന്നതിനിടെ കാണാതായ മൂന്ന് കോളജ് വിദ്യാര്ഥികളില് രണ്ട് പേരുടെ മൃതദേഹം കണ്ടെത്തി. പുതുപ്പള്ളി ഐഎച്ച്ആര്ഡി കോളജിലെ വിദ്യാര്ഥികളായ ഷിബിന് ജേക്കബ്, അലന് എന്നിവരുടെ മൃതദേഹങ്ങളാണ് കണ്ടെത്തിയത്. ഒരാളെ കണ്ടെത്താന് പോലിസും ഫയര്ഫോഴ്സും തിരച്ചില് ഊര്ജിതമായി തുടരുകയാണ്. ഉച്ചയ്ക്കു രണ്ടോടെ മീനച്ചിലാറ്റില് എട്ടുപേരാണ് കുളിക്കാനെത്തിയത്. ഒരാള് കാല്വഴുതി വീണതിനെ തുടര്ന്ന് രക്ഷിക്കാനിറങ്ങിയപ്പോഴാണ് മറ്റു രണ്ടുപേരും ഒഴുക്കില്പ്പെട്ടത്.