സ്ഥാപകദിനത്തില്‍ റോഡിലെ കുഴികളടച്ച് എസ്ഡിപിഐ മാതൃകയായി
ക്ലീനിങ്, ക്ലോറിനേഷന്‍, വൃക്ഷത്തൈകള്‍ നടല്‍, റോഡ് സഞ്ചാരയോഗ്യമാക്കല്‍ തുടങ്ങിയ പ്രവൃത്തികള്‍ വിവിധ സ്ഥലങ്ങളില്‍ നടന്നു.
കൊച്ചി: സ്ഥാപകദിനത്തില്‍ എസ്ഡിപിഐ പ്രവര്‍ത്തകര്‍ എറണാകുളത്ത് നടത്തിയ സേവനപ്രവര്‍ത്തനങ്ങള്‍ മാതൃകയായി. ബ്രാഞ്ച് കമ്മിറ്റികളുടെ നേതൃത്വത്തില്‍ ജില്ലയിലുടനീളം പതാക ഉയര്‍ത്തുകയും വിവിധ സേവനപ്രവര്‍ത്തനങ്ങള്‍ നടത്തുകയും ചെയ്തു. ക്ലീനിങ്, ക്ലോറിനേഷന്‍, വൃക്ഷത്തൈകള്‍ നടല്‍, റോഡ് സഞ്ചാരയോഗ്യമാക്കല്‍ തുടങ്ങിയ പ്രവൃത്തികള്‍ വിവിധ സ്ഥലങ്ങളില്‍ നടന്നു.
ജില്ലാ കമ്മിറ്റിയുടെ ആഭിമുഖ്യത്തില്‍ ജില്ലാ പ്രസിഡന്റ് ഷമീര്‍ മാഞ്ഞാലിയുടെ നേതൃത്വത്തില്‍ ആലുവ പട്ടണത്തിലെ റോഡിലെ കുഴികളടച്ചു നടത്തിയ പ്രവര്‍ത്തനം ഏറെ ശ്രദ്ധേയമായി. ജില്ലാ ജനറല്‍ സെക്രട്ടറി വി എം ഫൈസല്‍, ജില്ലാ സെക്രട്ടറി ബാബു വേങ്ങൂര്‍, ജില്ലാ സമിതി അംഗങ്ങളായ സുധീര്‍ ഏലൂക്കര, നാസര്‍ എളമന, എസ്ഡിടിയു ജില്ലാ പ്രസിഡന്റ് റഷീദ് എടയപ്പുറം, ചെങ്ങമനാട് വാര്‍ഡ് മെംബര്‍ മനോജ് പി മൈലന്‍, എസ്ഡിടിയു പ്രവര്‍ത്തകരായ സാലിഹ് കുഞ്ഞുണ്ണിക്കര, ബഷീര്‍, സിദ്ദീഖ് എന്നിവര്‍ നേതൃത്വം നല്‍കി.