കള്ളവോട്ട് തടയാന് പര്ദ്ദ ധരിച്ചെത്തുന്നവരെ വോട്ടു ചെയ്യാന് അനുവദിക്കാതിരുന്നാല് മതി: വിവാദ പ്രസ്താവനവനയുമായി എം വി ജയരാജന്
വോട്ട് ചെയ്യാന് ക്യൂവില് നില്ക്കുമ്പോള് തന്നെ മുഖപടം മാറ്റണമെന്നും ക്യാമറയില് മുഖം കൃത്യമായി പതിയുന്ന തരത്തില് മാത്രമേ വോട്ടു ചെയ്യാന് അനുവദിക്കാവൂ എന്നും ജയരാജന് കണ്ണൂരില് ആവശ്യപ്പെട്ടു. ഇതുപോലെ വോട്ടെടുപ്പ് നടത്താന് തിരഞ്ഞെടുപ്പു കമ്മീഷന് തയ്യാറുണ്ടോ എന്നും ജയരാജന് വെല്ലുവിളിച്ചു.
കണ്ണൂര്: കള്ളവോട്ട് തടയാന് പര്ദ്ദ ധരിച്ചെത്തുന്നവരെ വോട്ടു ചെയ്യാന് അനുവദിക്കാതിരുന്നാല് മതിയെന്ന വിവാദ പ്രസ്ഥാവനയുമായി സിപിഎം കണ്ണൂര് ജില്ലാ സെക്രട്ടറി എം വി ജയരാജന്. വോട്ട് ചെയ്യാന് ക്യൂവില് നില്ക്കുമ്പോള് തന്നെ മുഖപടം മാറ്റണമെന്നും ക്യാമറയില് മുഖം കൃത്യമായി പതിയുന്ന തരത്തില് മാത്രമേ വോട്ടു ചെയ്യാന് അനുവദിക്കാവൂ എന്നും ജയരാജന് കണ്ണൂരില് ആവശ്യപ്പെട്ടു. ഇതുപോലെ വോട്ടെടുപ്പ് നടത്താന് തിരഞ്ഞെടുപ്പു കമ്മീഷന് തയ്യാറുണ്ടോ എന്നും ജയരാജന് വെല്ലുവിളിച്ചു.
ഈ നിര്ദേശം നടപ്പിലാക്കിയാല് യുഡിഎഫ് ജയിക്കുന്ന എല്ലാ മണ്ഡലങ്ങളിലും എല്ഡിഎഫ് ജയിക്കുമെന്നും അദ്ദേഹം അവകാശപ്പെട്ടു. പോളിങ് ബൂത്തില് കയറിയാല് അവിടെ ഒന്നുങ്കില് വെബ് കാമറ അല്ലെങ്കില് വീഡിയോ, ആ ദൃശ്യത്തിന്റെ മുമ്പാകെ മുഖപടം പൂര്ണമായും മാറ്റി കൊണ്ട് അവിടെ വോട്ടു ചെയ്യാന് എത്തുന്നവരെ അനുവദിക്കുമോ, ഇതാണ് നാടിനു അറിയേണ്ടത്.
അങ്ങനെ വന്നാല് കള്ളവോട്ട് പൂര്ണമായും തടയാന്, പുതിയങ്ങാടിയിലും പാമ്പുരുത്തിയിലും കഴിയും. കള്ളവോട്ട് പൂര്ണമായും തടഞ്ഞാല് ഒരു തര്ക്കവും വേണ്ട ആ ബൂത്തില് അടക്കം ഇടതുപക്ഷത്തിന്റെ വോട്ടു വര്ധിക്കും. യുഡിഎഫിന്റെ വോട്ടു കുറയുമെന്നും ജയരാജന് പറഞ്ഞു. മൂന്നു ബൂത്തുകളില് പെട്ടെന്നുള്ള റീപോളിങ് പ്രഖ്യാപനം ശരിയായ നടപടിയല്ലെന്നും എം വി ജയരാജന് കൂട്ടിച്ചേര്ത്തു.