കേരള കോണ്ഗ്രസ് പിളര്ന്നു; ജോസ് കെ മാണി കേരള കോണ്ഗ്രസ് ചെയര്മാന്
പാര്ട്ടി പിടിക്കാന് പി ജെ ജോസഫും ജോസ് കെ മാണിയും തമ്മില് നടന്ന പോരിനൊടുവില് കേരള കോണ്ഗ്രസ് എം ചെയര്മാനായി ജോസ് കെ മാണിയെ കോട്ടയത്ത് ചേര്ന്ന ബദല് സംസ്ഥാന സമിതി യോഗം തെരഞ്ഞെടുത്തു.
കോട്ടയം: കെ എം മാണിയുടെ മരണനാന്തരം ആരംഭിച്ച തമ്മിലടി കേരള കോണ്ഗ്രസ്(എം)നെ വീണ്ടും പിളര്പ്പിലെത്തിച്ചു. പാര്ട്ടി പിടിക്കാന് പി ജെ ജോസഫും ജോസ് കെ മാണിയും തമ്മില് നടന്ന പോരിനൊടുവില് കേരള കോണ്ഗ്രസ് എം ചെയര്മാനായി ജോസ് കെ മാണിയെ കോട്ടയത്ത് ചേര്ന്ന ബദല് സംസ്ഥാന സമിതി യോഗം തെരഞ്ഞെടുത്തു. പാര്ട്ടി ചെയര്മാനായ പിജെ ജോസഫിന്റെ അംഗീകരമില്ലാതെ വിളിച്ചു ചേര്ത്തതാണ് സംസ്ഥാന സമിതിയോഗം എന്നതിനാല് കേരള കോണ്ഗ്രസിന്റെ പിളര്പ്പിലേക്കാണ് കാര്യങ്ങള് ചെന്നു നില്ക്കുന്നത്.
സംസ്ഥാനസമിതിയില് ഭൂരിപക്ഷം പേരും ജോസ് കെ മാണയുടെ ഒപ്പമാണെങ്കിലം പാര്ട്ടി എംഎല്എമാരില് കൂടുതല് പേരും ജോസഫ് പക്ഷത്താണ്. ഇതോടെ പാര്ട്ടിയുടെ യഥാര്ത്ഥ അവകാശിയെ കണ്ടെത്താന് നീണ്ട നിയമപോരാട്ടം തന്നെയാവും ഇനി നടക്കുക. പി ജെ ജോസഫിനെ കൂടാതെ മോന്സ് ജോസഫ്, സിഎഫ് തോമസ്, സി തോമസ് എന്നീ എംഎല്എമാരും പിജെ ജോസഫിനൊപ്പം നില്ക്കുകയാണ്. റോഷി അഗസ്റ്റിന്, എന് ജയരാജ് എന്നീ എംഎല്എമാര് ജോസ് കെ മാണിക്കൊപ്പമാണ്.
അതേസമയം, സംഘടനാ ചുമതലയുള്ള ജനറല് സെക്രട്ടറി ജോയ് എബ്രഹാം ജോസഫ് വിഭാഗത്തിനൊപ്പമാണ്. കോട്ടയത്ത് ഇന്ന് ചേര്ന്ന കേരള കോണ്ഗ്രസ് സംസ്ഥാന സമിതിയോഗത്തില് എട്ട് ജില്ലാ പ്രസിഡന്റുമാര് പങ്കെടുത്തു. നാല് ജില്ലാ അധ്യക്ഷന്മാര് വിട്ടു നിന്നു. കേരള കോണ്ഗ്രസ് എമ്മിന്റെ തിരുവനന്തപുരം, തൃശൂര്, എറണാകുളം, പാലക്കാട്, ഇടുക്കി എന്നീ ജില്ലാ പ്രസിഡന്രമാരാണ് യോഗത്തില് നിന്നും വിട്ടു നിന്നത്. 437 അംഗ സംസ്ഥാന സമിതിയില് 325 പേര് യോഗത്തില് പങ്കെടുത്തതായി ജോസ് കെ മാണി അവകാശപ്പെട്ടു.
അതേ സമയം, ഒത്തുതീര്പ്പിനുള്ള ശ്രമം പൂര്ണമായും അടഞ്ഞിട്ടില്ലെന്ന് ഡെപ്യൂട്ടി ചെയര്മാന് സി എഫ് തോമസ് പറഞ്ഞു. കേരളം കോണ്ഗ്രസ് എമ്മിനൊപ്പം താനുണ്ടാവുമെന്നും തിരഞ്ഞെടുപ്പ് കമ്മീഷന് അംഗീകരിക്കുന്ന കേരള കോണ്ഗ്രസില് നിലകൊള്ളുമെന്നും അദ്ദേഹം വ്യക്തമാക്കി.