അതിര്ത്തിയില് വീണ്ടും വെടിനിര്ത്തല്കരാര് ലംഘനം ; 1700 പേരെ ഒഴിപ്പിച്ചു
BY fousiya sidheek18 May 2017 3:47 AM GMT
fousiya sidheek18 May 2017 3:47 AM GMT
ജമ്മു: ജമ്മു കശ്മീരില് ബലാക്കോട്ട് മേഖലയിലെ നിയന്ത്രണ രേഖയില് പാകിസ്താന് വെടിനിര്ത്തല് കരാര് വീണ്ടും ലംഘിച്ചു. ഇതില് കാവല്പുരകള്ക്കും പാര്പ്പിട കേന്ദ്രങ്ങള്ക്കും നേരെ വെടിവയ്പുണ്ടായി.പാക്സേന 50 മിനിറ്റോളം തുടര്ച്ചയായി വെടിയുതിര്ത്തെന്നും പ്രതിരോധ വക്താവ് പറഞ്ഞു. നൗഷേറ മേഖലയിലും ആക്രമണമുണ്ടായിട്ടുണ്ട്. ഈമാസം രജൗരിയിലെ ജനവാസ മേഖലയിലുണ്ടായ പാക് മോര്ട്ടാറാക്രമണം പതിനായിരത്തിലധികം ജനങ്ങളെ ബാധിച്ചിട്ടുണ്ട്. പാക് ആക്രമണത്തെ തുടര്ന്ന് നിയന്ത്രണ രേഖാ മേഖലയിലെ ഗ്രാമങ്ങളില് നിന്ന് 1700ഓളം പേരെ ദുരിതാശ്വാസ ക്യാംപുകളിലേക്ക് മാറ്റി. കൊല്ലപ്പെട്ടവരുടെ കുടുംബങ്ങള്ക്ക് ഒരുലക്ഷം രൂപ ധനസഹായം പ്രഖ്യാപിച്ചിട്ടുണ്ട്. പരിക്കേറ്റവരുടെ ചികില്സയ്ക്കായുള്ള സാമ്പത്തിക സഹായം നല്കുമെന്നും ജില്ലാ ഭരണകൂടം അറിയിച്ചു. ദുരിതാശ്വാസ ക്യാംപുകള് ഒരുക്കുന്നതിനായി 25 കെട്ടിടങ്ങള് തയ്യാറാക്കിയതായും ഭരണകൂടം അറിയിച്ചു. പാക് ആക്രമണങ്ങള് വിദ്യാഭ്യാസത്തെ ബാധിക്കില്ലെന്നും ഈ ആഴ്ച തന്നെ ക്ലാസുകള് പുനരാരംഭിക്കുമെന്നും രജൗരി ഡെപ്യൂട്ടി കമ്മീഷണര് ഷാഹിദ് ഇക്ബാല് ചൗധരി വ്യക്തമാക്കി. രണ്ട് വര്ഷങ്ങളിലായി 449 തവണ പാകിസ്താന് വെടിനിര്ത്തല് നിയമം ലംഘിച്ചുവെന്നാണ് വിവരാവകാശ അപേക്ഷയ്ക്ക് മറുപടിയായി ആഭ്യന്തര മന്ത്രാലയം അറിയിച്ചത്.
Next Story
RELATED STORIES
എല്ഡിഎഫ് ബൂത്ത് ഏജന്റ് ഹൃദയാഘാതത്തെ തുടര്ന്ന് മരിച്ചു
26 April 2024 5:44 AM GMTആദ്യവോട്ട് ചെയ്ത് വീട്ടിലെത്തിയ മദ്റസാധ്യാപകന് ഹൃദയാഘാതത്തെ...
26 April 2024 5:29 AM GMTപാപിക്കൊപ്പം ശിവന് ചേര്ന്നാല് ശിവനും പാപിയാവും, സൗഹൃദങ്ങളില്...
26 April 2024 4:28 AM GMTരാവിലെതന്നെ വോട്ട് രേഖപ്പെടുത്തി നേതാക്കള്; പ്രതീക്ഷയോടെ മുന്നണികള്
26 April 2024 3:56 AM GMTസമസ്ത തൃശൂര് ജില്ലാ ജനറല് സെക്രട്ടറി പി ടി കുഞ്ഞുമുഹമ്മദ് മുസ്...
26 April 2024 3:37 AM GMTകേരളം ബൂത്തില്; ആദ്യ മണിക്കൂറുകളില് മികച്ച പോളിങ്
26 April 2024 3:23 AM GMT