കൊല്ലത്ത് ഇടിമിന്നലേറ്റ് കശുവണ്ടി ഫാക്ടറി ജീവനക്കാരന്‍ മരിച്ചു

കൊല്ലം: കുണ്ടറയ്ക്കു സമീപം ചിറ്റുമല ഓണമ്പലത്ത് ഇടിമിന്നലേറ്റ് ഒരാള്‍ മരിച്ചു. സ്ത്രീക്ക് പരിക്ക്. ഓണമ്പലം സെന്റ് മേരീസ് ക്യാഷ്യു ഫാക്ടറിയിലെ സുരക്ഷാ ജീവനക്കാരന്‍ മണ്ണടി സ്വദേശി തുളസീധരന്‍ പിള്ള(65)യാണ് മരിച്ചത്. ഇതേ ഫാക്ടറിയിലെ തൊഴിലാളി കിഴക്കേക്കല്ലട മുട്ടം സ്വദേശി കോടവിള ചരുവില്‍ വീട്ടില്‍ പ്രസന്നകുമാരി(54) ക്കാണ് പരിക്കേറ്റത്. ഇവരെ കുണ്ടറ താലൂക്ക് ആശുപത്രിയില്‍ പ്രവേശിപ്പിച്ചു. ഇന്ന് വൈകീട്ട് 3.45നാണ് സംഭവം. ഫാക്ടറിക്ക് സമീപത്തെ ചായക്കടയില്‍നിന്ന് ചായകുടിച്ചശേഷം ഫാക്ടറിയിലേക്ക് കയറുന്നതിനിടെയാണ് ഇടിമിന്നലേറ്റത്.