സിദ്ധാര്ഥന്റെ കൊലപാതകം സംബന്ധിച്ച അന്വേഷണം അട്ടിമറിക്കാന് വൈസ് ചാന്സലര് ശ്രമിക്കുന്നു: വിഡി സതീശന്
തിരുവനന്തപുരം: പൂക്കോട് വെറ്ററിനറി സര്വകലാശാല വിദ്യാര്ഥി സിദ്ധാര്ഥന്റെ കൊലപാതകം സംബന്ധിച്ച അന്വേഷണം അട്ടിമറിക്കാന് വൈസ് ചാന്സലര് ശ്രമിക്കുന്നുവെന്ന് പ്രതിപക്ഷ നേതാവ് വിഡി സതീശന്. നിയമോപദേശം പോലും തേടാതെയാണ് വിദ്യാര്ഥികളുടെ സസ്പെന്ഷന് വിസി പിന്വലിച്ചത്. പ്രതിപ്പട്ടികയിലുള്ള ഉന്നതരെ രക്ഷിക്കുകയെന്നതാണ് ലക്ഷ്യം. തെളിവുകള് നശിപ്പിക്കാനുള്ള ശ്രമത്തിന് പിന്നില് വന് ഇടപെടലുകളുണ്ടെന്നും അദ്ദേഹം വാര്ത്താസമ്മേളനത്തില് ആരോപിച്ചു.എസ്എഫ്ഐ നേതൃത്വത്തില് ഒരു വിദ്യാര്ഥിയെ തല്ലിക്കൊന്ന് കെട്ടിത്തൂക്കിയ കേസാണിത്. വിദ്യാര്ഥി, മഹിളാ യുവജന സംഘടനകളുടെ നേതൃത്വത്തില് പ്രതിപക്ഷം നടത്തിയ സമരത്തെ തുടര്ന്നാണ് സിബിഐ അന്വേഷണത്തിന് സര്ക്കാര് ഉത്തരവിട്ടത്. തിരഞ്ഞെടുപ്പ് നടക്കുന്ന സാഹചര്യത്തില് സമരങ്ങളെ ഭയന്നാണ് സിബിഐ അന്വേഷണത്തിന് ഉത്തരവിടാന് സര്ക്കാര് തയാറായത്. കൊന്ന് കെട്ടിത്തൂക്കിയവര് തന്നെയാണ് അഴിച്ച് ആശുപത്രിയിലേക്ക് കൊണ്ടു പോയത്.
കേസ് കൈമാറുന്നതിനുള്ള നടപടിക്രമങ്ങളുമായി മുന്നോട്ട് പോകാതെ സിബിഐ വരുന്നതിന് മുന്പ് തെളിവുകള് നശിപ്പാക്കാനുള്ള ശ്രമമാണ് നടത്തുന്നത്. പ്രതികളെ രക്ഷിക്കാനാണ് സര്ക്കാരും സര്വകലാശാലയും ശ്രമിക്കുന്നത്. മാധ്യമ വാര്ത്തകള് തിരഞ്ഞെടുപ്പിലേക്ക് മാറിയപ്പോള് വീണ്ടും കേസ് അട്ടിമറിക്കാന് ശ്രമിക്കുകയാണ്. കേസ് അട്ടിമറിക്കാനുള്ള ശ്രമത്തെ എന്ത് വിലകൊടുത്തും ചെറുക്കും. നീതിക്ക് വേണ്ടിയുള്ള പോരാട്ടത്തില് സിദ്ധാര്ഥന്റെ കുടുംബത്തിനൊപ്പമാണ് പ്രതിപക്ഷം.
സിദ്ധാര്ഥന്റെ കൊലപാതകത്തില് നിന്നും എസ്എഫ്ഐ ക്രിമിനലുകള് ഒന്നും പഠിച്ചില്ല. കൊയിലാണ്ടിയില് അമല് എന്ന വിദ്യാര്ത്ഥിയെ ഇടി വീട്ടില് എത്തിച്ച് മര്ദ്ദിച്ചു. തിരുവനന്തപുരത്ത് 51 വയസുകാരനായ നൃത്താധ്യാപകനെ മുറിയില് കൊണ്ടു പോയി തല്ലിച്ചതച്ചു. അധ്യാപകന് പിന്നീട് ആത്മഹത്യ ചെയ്തു. ഇതു സംബന്ധിച്ച അന്വേഷണം എന്തായി? പിണറായി വിജയനാണ് എസ്എഫ്ഐ ക്രിമിനലുകള്ക്ക് സംരക്ഷണം നല്കുന്നത്. ജീവന്രക്ഷാ പ്രവര്ത്തനമെന്ന് ന്യായീകരിച്ച് തെറ്റുകള്ക്ക് കുടപിടിച്ച മുഖ്യമന്ത്രിയെക്കൊണ്ട് മറുപടി പറയിക്കുമെന്നും വിഡി സതീശന് പറഞ്ഞു.
RELATED STORIES
ഗസയിലെ ആക്രമണങ്ങളില് പ്രതിഷേധിച്ച് ഇസ്രായേലുമായുള്ള വ്യാപാര ബന്ധം...
3 May 2024 5:58 PM GMTഅബൂദബിയില് കാണാതായ ചാവക്കാട് സ്വദേശിയെ മരിച്ച നിലയില് കണ്ടെത്തി
3 May 2024 3:01 PM GMTതൂശൂരില് ബസ്സില് ജീപ്പിടിച്ച് രണ്ട് മരണം; 12 പേര്ക്കു പരിക്ക്
3 May 2024 2:54 PM GMTഗസയില് ഇസ്രായേല് സൈനികര് ഫലസ്തീനികളെ മനുഷ്യകവചമായി ഉപയോഗിച്ചു;...
3 May 2024 11:10 AM GMTഫ്ളാറ്റില്നിന്ന് കുഞ്ഞിനെ പുറത്തേക്കെറിഞ്ഞത് മാതാവ്; യുവതി ലൈംഗിക...
3 May 2024 9:38 AM GMTയുവതിയെ ഹോട്ടലില് കയറി കുത്തിക്കൊലപ്പെടുത്താന് ശ്രമിച്ചതിന്...
3 May 2024 8:55 AM GMT