കാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല; വാര്ത്ത തള്ളി തിരഞ്ഞെടുപ്പ് കമ്മീഷന്
ന്യൂഡല്ഹി: കാസര്കോട് ലോക്സഭാ മണ്ഡലത്തില് നടന്ന മോക് പോളില് ബിജെപിക്ക് അധിക വോട്ട് ലഭിച്ചതിനെ ചൊല്ലി സുപ്രിം കോടതിയില് വാദം. മോക് പോളിനിടെ, കക്ഷികള്ക്ക് അധിക വോട്ട് രേഖപ്പെടുത്തിയ സംഭവം സാങ്കേതിക തകരാറാണെന്നും അത് ഉടന് തന്നെ പരിഹരിച്ചതായും തിരഞ്ഞെടുപ്പ് കമ്മീഷന് വാദിച്ചു. എന്നാല് കാസര്കോട് മോക് പോളിനിടെ ബിജെപിക്ക് അധിക വോട്ട് ലഭിച്ചെന്ന വാര്ത്ത തെറ്റാണ്. അത്തരമൊരു സംഭവം ഉണ്ടായിട്ടില്ല. ഇക്കാര്യത്തില് റിട്ടേണിംഗ് ഓഫീസര് റിപോര്ട്ട് നല്കിയതായും തിരഞ്ഞെടുപ്പ് കമ്മീഷന് പറഞ്ഞു. വിശദമായ റിപോര്ട്ട് നല്കാമെന്നും കമ്മീഷന് വ്യക്തമാക്കി.
എന്നാല് മോക്പോളിന്റെ ആദ്യ മൂന്ന് റൗണ്ടിലും ബിജെപിക്ക് പോള് ചെയ്യാതെ വോട്ട് ലഭിച്ചെന്ന് യുഡിഎഫ് ഏജന്റ് നാസര് ആരോപിച്ചു. എല്ലാ സ്ഥാനാര്ഥികള്ക്കും ഒരു വോട്ട് വീതം ചെയ്തപ്പോള് വിവിപാറ്റില് ബിജെപി സ്ഥാനാര്ഥിക്ക് അധികമായി ഒരു വോട്ട് കൂടി ലഭിച്ചു. സംഭവത്തില് അസിസ്റ്റന്റ് റിട്ടേണിംഗ് ഓഫിസര്ക്ക് പരാതി നല്കിയിരുന്നു. അവസാന റൗണ്ടില് പ്രശ്നം പരിഹരിച്ചു. വോട്ടിംഗ് മെഷീനില് പ്രശ്നങ്ങളില്ലെന്നും പോളിംഗ് ദിവസം ഇത്തരത്തിലുള്ള അപാകതകള് ഉണ്ടാകാതിരിക്കാന് ശ്രദ്ധിക്കണമെന്നും അദ്ദേഹം പ്രതികരിച്ചു.
കാസര്കോട് ബിജെപിക്ക് മോക് പോളില് പോള് ചെയ്യാത്ത വോട്ട് ലഭിച്ചെന്ന വിവരം ഇന്ന് സീനിയര് അഭിഭാഷകന് പ്രശാന്ത് ഭൂഷണാണ് സുപ്രിം കോടതിയില് ഉന്നയിച്ചത്. ഇതിനുള്ള മറുപടിയിലായിരുന്നു തിരഞ്ഞെടുപ്പ് കമ്മീഷന്റെ വാദം. വിവിപാറ്റ് സ്ലിപ്പുകള് എണ്ണിയതില് ഇതുവരെ പൊരുത്തക്കേട് കണ്ടെത്തിയിട്ടില്ലെന്നും 4 കോടി വിവി പാറ്റുകളില് ഇതുവരെ വ്യത്യാസം കണ്ടെത്താനായില്ലെന്നും തിരഞ്ഞെടുപ്പ് കമ്മീഷന് സുപ്രിം കോടതിയില് പറഞ്ഞു. വിവിപാറ്റ് സ്ലിപ്പുകള് പൂര്ണ്ണമായി എണ്ണമെന്ന് ആവശ്യപ്പെട്ടുള്ള ഹരജിയിലാണ് സുപ്രിം കോടതി വാദം കേള്ക്കുന്നത്.
RELATED STORIES
ഊട്ടിയിലും ചുട്ടുപൊള്ളുന്ന ചൂട് ;73 വർഷത്തിനിടെ ഏറ്റവും ഉയർന്ന താപനില
30 April 2024 6:40 PM GMTഈ വര്ഷത്തെ എസ്എസ്എല്സി പരീക്ഷാ ഫലം മെയ് 8 നും ഹയര്സെക്കന്ററി...
30 April 2024 6:33 PM GMTനവകേരള ബസ് ഇനി ഗരുഡപ്രീമിയം; കോഴിക്കോട്-ബെംഗളൂരു യാത്രയ്ക്ക് 1117 രൂപ
30 April 2024 5:31 PM GMTതൃശൂരില് സിപിഎമ്മിന്റെ ഒരു കോടി രൂപ ആദായ നികുതി വകുപ്പ്...
30 April 2024 4:37 PM GMTദല്ലാള് നന്ദകുമാറിനും ശോഭാ സുരേന്ദ്രനും കെ സുധാകരനുമെതിരേ ഇ പി...
30 April 2024 4:08 PM GMTകൊല്ലത്ത് ഇടിമിന്നലേറ്റ് കശുവണ്ടി ഫാക്ടറി ജീവനക്കാരന് മരിച്ചു
30 April 2024 3:58 PM GMT