|    Nov 19 Mon, 2018 6:13 am
FLASH NEWS
Home   >  Sports  >  Cricket  >  

ഐസിസി ടെസ്റ്റ് റാങ്കിങില്‍ ഇന്ത്യന്‍ താരങ്ങള്‍ക്ക് നേട്ടം

Published : 15th October 2018 | Posted By: jaleel mv


ദുബയ്: വെസ്റ്റ് ഇന്‍ഡീസിനെതിരായ ടെസ്റ്റ് പരമ്പര സ്വന്തമാക്കിയതിന് പിന്നാലെ ഐസിസിയുടെ ടെസ്റ്റ് റാങ്കിങില്‍ മികച്ച നേട്ടമുണ്ടാക്കി ഇന്ത്യന്‍ താരങ്ങള്‍. പ്രധാനമായും ഉമേഷ് യാദവ്, അജിന്‍ക്യ രഹാനെ, റിഷഭ് പന്ത്, പൃഥ്വി ഷാ എന്നിവര്‍ക്കാണ് വിന്‍ഡീസിനെതിരായ മല്‍സരം ഗുണം ചെയ്തത്. രണ്ടാം ടെസ്റ്റില്‍ ആകെ 10 വിക്കറ്റുകള്‍ വീഴ്ത്തി കളിയിലെ താരമായ പേസര്‍ ഉമേഷ് യാദവ് ബൗളര്‍മാരുടെ റാങ്കിങില്‍ നാല് സ്ഥാനങ്ങള്‍ മെച്ചപ്പെടുത്തി 25 ലെത്തി. അതേസമയം, ബാറ്റിങില്‍ ഉപനായകന്‍ അജിന്‍ക്യ രഹാനെ നാല് സ്ഥാനങ്ങള്‍ മെച്ചപ്പെടുത്തി ആദ്യ 20ല്‍ എത്തി.
പരമ്പരയില്‍ മിന്നും പ്രകടനം കാഴ്ച വെച്ച ഇന്ത്യന്‍ യുവതാരങ്ങളായ പൃഥ്വി ഷാ, റിഷഭ് പന്ത് എന്നിവരും മികച്ച നേട്ടമാണ് റാങ്കിങില്‍ കൈവരിച്ചത്. 237 റണ്‍സുകളോടെ പരമ്പരയിലെ താരമായി തിരഞ്ഞെടുക്കപ്പെട്ട ഷാ 13 സ്ഥാനങ്ങള്‍ മെച്ചപ്പെടുത്തി ബാറ്റ്‌സ്മാന്‍മാരില്‍ 60ാം സ്ഥാനത്തെത്തി. 23 സ്ഥാനങ്ങള്‍ കുതിച്ച് പന്ത് 62ലുമെത്തി.
അതേസമയം, ഹൈദരാബാദ് ടെസ്റ്റില്‍ അഞ്ച് ഇന്ത്യന്‍ വിക്കറ്റുകള്‍ വീഴ്ത്തിയ വിന്‍ഡീസ് നായകന്‍ ജേസണ്‍ ഹോള്‍ഡര്‍ തന്റെ കരിയറിലെ ഏറ്റവും മികച്ച റാങ്കിങിലെത്തി. നാല് സ്ഥാനങ്ങള്‍ മുന്നോട്ട് കയറിയ ഹോള്‍ഡര്‍ ഒമ്പതാം റാങ്കിലുണ്ട്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss