മുന്നണികള്‍ അവസരവാദ രാഷ്ട്രീയത്തിന്റെ പ്രതീകങ്ങള്‍: എ സഈദ്

ഉള്ള്യേരി: ഇരുമുന്നണികളും അവസരവാദ രാഷ്ട്രീയത്തിന്റെ പ്രതീകങ്ങളാണെന്നു വ്യക്തമാക്കുന്നതാണു നിയമസഭാ തിരഞ്ഞെടുപ്പിലെ സീറ്റ് വിഭജനവും കൂറുമാറ്റ സംഭവങ്ങളുമെന്ന് എസ്ഡിപിഐ ദേശീയ പ്രസിഡന്റ് എ സഈദ്. ബാലുശ്ശേരി മണ്ഡലം എസ്ഡിപിഐ-എസ്പി സ്ഥാനാര്‍ഥി ബാലന്‍ നടുവണ്ണൂരിന്റെ തിരഞ്ഞെടുപ്പ് കണ്‍വന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം.
നിയമസഭാ തിരഞ്ഞെടുപ്പില്‍ ജനത്തിന്റെ അടിസ്ഥാനപ്രശ്‌നങ്ങളല്ല, മറിച്ച് ജയസാധ്യതകളാണു മുന്നണികള്‍ പരിഗണിച്ചത്. വര്‍ഗീയതയും സാമ്രാജ്യത്വ അധിനിവേശവുമാണ് രാജ്യം നേരിടുന്ന പ്രധാന വെല്ലുവിളി. എസ്ഡിപിഐ-എസ്പി സഖ്യം മാറ്റത്തിന്റെ പുതിയ അധ്യായമാണു രചിക്കുന്നതെന്നും അദ്ദേഹം പറഞ്ഞു.
ഉമ്മര്‍ ഉള്ള്യേരി അധ്യക്ഷനായി. ഇസ്മായില്‍ കമ്മന, ഷുക്കൂര്‍ മാസ്റ്റര്‍, ഗോപി പന്തിരിക്കര, നജീബ് അത്തോളി, സ്ഥാനാര്‍ഥി ബാലന്‍ നടുവണ്ണൂര്‍, മുജീബ് കൂനൂര്‍ സംസാരിച്ചു.