ഇന്ത്യ തിളങ്ങുന്നത് ദലിതരെ ചുട്ടു ചാമ്പലാക്കിയ വെളിച്ചത്തില്‍

മാന്നാര്‍: ഇന്ത്യ തിളങ്ങുന്നത് ദലിതരെ ചുട്ടു ചാമ്പലാക്കിയ വെളിച്ചത്തിലാണെന്ന് മന്ത്രി പി തിലോത്തമന്‍. ഓള്‍ കേരള സ്‌കൂള്‍ ടീച്ചേഴ്‌സ് യൂനിയന്‍ ജില്ലാ സമ്മേളനത്തോടനുബന്ധിച്ച് നടന്ന പ്രതിനിധി സമ്മേളനം മാന്നാര്‍ പെന്‍ഷന്‍ ഭവന്‍ ഹാളില്‍ ഉദ്ഘാടനം ചെയ്യുകയായിരുന്നു അദ്ദേഹം. പ്രധാനമന്ത്രി മികച്ച നടനാണെന്നും ഓഖി കൊടുങ്കാറ്റില്‍ ദുരന്തമുണ്ടായിട്ട് പ്രധാനമന്ത്രി ഒരു ടെലിഫോണ്‍ പോലും കേരളത്തിലേക്ക് ചെയ്തില്ലെന്നും അദ്ദേഹം കുറ്റപ്പെടുത്തി. ഇന്ത്യയെ ഒന്നായി കാണാനുള്ള മനസ്സ് അദ്ദേഹത്തിനില്ലെന്നും മന്ത്രി പറഞ്ഞു. ജില്ലാ പ്രസിഡന്റ് ഉണ്ണി ശിവരാജന്‍ അധ്യക്ഷത വഹിച്ചു.