സ്വര്‍ണ്ണം ഗ്രാമിന് 1,680 രൂപ കൂടി: പവന് 93,710 രൂപയായി

കൊച്ചി: സ്വര്‍ണ വിലയില്‍ വീണ്ടും വര്‍ധന. വ്യാഴാഴ്ച ഗ്രാമിന് 1,680 രൂപ ഉയര്‍ന്ന് പവന്‍ വില 93,710 രൂപയായി. നിലവില്‍ ഒരു ഗ്രാം സ്വര്‍ണത്തിന് 11,715 രൂപയാണ് വില. ഒരാഴ്ചക്കിടെ പവന്റെ വിലയില്‍ 4,640 രൂപയാണ് കൂടിയത്. നവംബര്‍ അഞ്ചിന് 89,080 രൂപയായിരുന്നു വില. രാജ്യത്തെ കമ്മോഡിറ്റി വിപണിയായ എംസിഎക്സില്‍ പത്ത് ഗ്രാം 24 കാരറ്റ് സ്വര്‍ണത്തിന്റെ വില 1,26,935 രൂപയായി. ആഗോള വിപണിയില്‍ സ്പോട്ട് ഗോള്‍ഡ് വില ട്രോയ് ഔണ്‍സിന് 4,209.35 ഡോളര്‍ നിലവാരത്തിലാണ്.