എ വര്‍ഗീസിന്റെ സഹോദരന്‍ എ തോമസ് നിര്യാതനായി

കല്‍പറ്റ: തിരുനെല്ലിക്കാട്ടില്‍ പോലിസ് വെടി വച്ചു കൊന്ന നക്‌സല്‍ നേതാവ് എ വര്‍ഗീസിന്റെ സഹോദരന്‍ വെള്ളമുണ്ട അരീക്കാട് എ തോമസ്(67) നിര്യാതനായി.എ വര്‍ഗീസിന്റെ ഇളയ സഹോദരനായിരുന്നു തോമസ്.

1970 ലാണ് വര്‍ഗീസിനെ പോലിസ് വെടിവച്ച് കൊലപ്പെടുത്തിയത്.ഈ കേസില്‍ എല്ലാ നിയമപോരാട്ടങ്ങളിലും തോമസായിരുന്നു മുന്‍ നിരയില്‍.സിപിഎം എല്‍ റെഡ് ഫ്‌ലാഗ് സംസ്ഥാന സെക്രട്ടറി പി സി ഉണ്ണിച്ചെക്കന്നും ചോമന്‍ മൂപ്പനും ഒപ്പം തോമസും ഹൈക്കോടതിയില്‍ നല്‍കിയ ഹരജിയെ തുടര്‍ന്നാണ് വര്‍ഗ്ഗീസ് വധക്കേസില്‍ ഹൈക്കോടതി സിബിഐ അന്വേഷണത്തിന് ഉത്തരവിട്ടത്. കേസില്‍ ഉന്നത പോലിസ് ഉദ്യോഗസ്ഥനടക്കം പ്രതികള്‍ ശിക്ഷിക്കപ്പെട്ടു. നിലവില്‍ വര്‍ഗീസ് സ്മാരക ട്രസ്റ്റുമായി ബന്ധപ്പെട്ട് പ്രവര്‍ത്തിച്ചുവരികയായിരുന്നു.

ഭാര്യ ചിന്നമ്മ. മക്കള്‍ അഡ്വ വര്‍ഗീസ്, ഷേര്‍ലി, സിപ്‌സണ്‍, സോഡി, സിലി.മരുമക്കള്‍ ഷാജു,ബിജു,സേവ്യര്‍ സെബാസ്റ്റ്യന്‍, പുഷ്പ, ജ്യോതി, സഹോദരങ്ങള്‍ ജോസഫ്, മറിയം,അന്ന.