ശുഭാംശു ശുക്ല ഇന്ന് കേരളത്തിലെ കുട്ടികളോടു സംവദിക്കും

തിരുവനന്തപുരം: അന്താരാഷ്ട്ര ബഹിരാകാശനിലയത്തിലുള്ള ശുഭാംശു ശുക്ല ഇന്ന് കേരളത്തിലെ കുട്ടികളോടു സംവദിക്കും. വിഎസ്എസ്സിയില്‍ നടക്കുന്ന പരിപാടിയില്‍ 200 കുട്ടികള്‍ പങ്കെടുക്കും. അന്താരാഷ്ട്ര ബഹിരാകാശനിലയത്തില്‍നിന്ന് ഹാം റേഡിയോ സംവിധാനം വഴിയാണ് കുട്ടികളുമായി സംവദിക്കുന്നത്. ഇതിനുള്ള മുന്നൊരുക്കങ്ങളുടെ ഭാഗമായി ആക്സിയം-4 ദൗത്യകേന്ദ്രവുമായി ബന്ധപ്പെട്ട് വിഎസ്എസ്സിയില്‍ ബുധനാഴ്ച ടെസ്റ്റിങ് നടന്നു.

വ്യാഴാഴ്ച ഉച്ചയ്ക്കു ശേഷം 2.30 മുതല്‍ 2.40 വരെയുള്ള സമയത്താണ് ശുഭാംശു ശുക്ല വിഎസ്എസ്സിയിലെ കുട്ടികളുമായി സംവദിക്കുക. തിരഞ്ഞെടുക്കപ്പെട്ട കുട്ടികള്‍ക്ക് ശുഭാംശുവിനോട് ചോദ്യം ചോദിക്കാനുള്ള അവസരം ലഭിക്കും. നാലു ചോദ്യങ്ങള്‍ക്കാണ് അനുമതി.