മലപ്പുറത്ത് കെ സുധാകരന് പങ്കെടുത്ത പരിപാടിക്കിടെ ഡിവൈഎഫ്ഐ പ്രതിഷേധം
സുധാകരനെതിരേ മുദ്രാവാക്യം വിളികളുയര്ന്നതോടെ യൂത്ത് കോണ്ഗ്രസ് പ്രവര്ത്തകരും സംഘടിച്ചെത്തി തിരികെ മുദ്രാവാക്യം വിളിച്ചു. രണ്ട് വിഭാഗവും പ്രകോപനപരമായ മുദ്രാവാക്യം വിളിച്ചതോടെ സംഘര്ഷാവസ്ഥ വര്ധിച്ചു.
മലപ്പുറം: ഇടുക്കിയില് എഞ്ചിനീയറിങ് കോളജിലെ എസ്എഫ്ഐ വിദ്യാര്ഥിയുടെ കൊലപാതകത്തിന് പിന്നാലെ ക്യാംപസുകളിലുണ്ടായ പ്രതിഷേധം തെരുവിലേക്ക്. മലപ്പുറത്ത് കെപിസിസി അധ്യക്ഷന് കെ സുധാകരന് പങ്കെടുക്കുന്ന കോണ്ഗ്രസ് മേഖലാ കണ്വന്ഷനിലേക്ക് എസ്എഫ്ഐ, ഡിവൈഎഫ്ഐ, സിപിഎം പ്രവര്ത്തകര് പ്രതിഷേധിച്ചെത്തിയതോടെ സ്ഥലത്ത് സംഘര്ഷാവസ്ഥയുണ്ടായി.
ആദ്യം എസ്എഫ്ഐ പ്രവര്ത്തകരാണ് പ്രതിഷേധ മാര്ച്ച് നടത്തിയത്. ചെറിയ തോതില് സംഘര്ഷാവസ്ഥയുണ്ടായതോടെ പോലിസ് ഇടപെട്ടു. ഇതോടെ പ്രവര്ത്തകര് പിരിഞ്ഞുപോയി. പിന്നാലെ ഡിവൈഎഫ്ഐ, സിപിഎം പ്രവര്ത്തകര് പ്രതിഷേധിച്ചെത്തി. സുധാകരനെതിരേ മുദ്രാവാക്യം വിളികളുയര്ന്നതോടെ യൂത്ത് കോണ്ഗ്രസ് പ്രവര്ത്തകരും സംഘടിച്ചെത്തി തിരികെ മുദ്രാവാക്യം വിളിച്ചു. രണ്ട് വിഭാഗവും പ്രകോപനപരമായ മുദ്രാവാക്യം വിളിച്ചതോടെ സംഘര്ഷാവസ്ഥ വര്ധിച്ചു.
പോലിസ് ഇടപെട്ട് ഇരുവിഭാഗം പ്രവര്ത്തകരെയും മാറ്റി. മലപ്പുറം ഡിവൈഎസ്പിയുടെ നേതൃത്വത്തിലുള്ള പോലിസ് സംഘം സ്ഥലത്ത് ക്യാംപ് ചെയ്യുകയാണ്. രണ്ടു വിഭാഗവും രണ്ടു സ്ഥലത്തായി നിലയുറപ്പിച്ച് മുദ്രാവാക്യം വിളിക്കുകയാണ്. സംഘര്ഷാവസ്ഥ പൂര്ണമായും മാറിയിട്ടില്ല.
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT