സംസ്ഥാനത്തെ ട്രെയിനുകളിലെ സുരക്ഷയില്‍ വന്‍ വീഴ്ച; മിക്ക ട്രെയിനുകളിലും സുരക്ഷാ ഉദ്യോഗസ്ഥരില്ല

കൊച്ചി: കോഴിക്കോട് എലത്തൂരില്‍ ട്രെയിന്‍ തീവയ്പ്പിന് പിന്നാലെ തൃശൂരില്‍ ടിടിഇ വിനോദിന്റെ കൊലപാതകത്തോടെ ട്രെയിന്‍ യാത്രയുടെ അരക്ഷിതാവസ്ഥയാണ് വീണ്ടും ചര്‍ച്ചയാകുന്നത്. ട്രെയിനില്‍ സുരക്ഷ ഉദ്യോഗസ്ഥരെ വിന്യസിക്കാത്തത് മുതല്‍ ജനറല്‍ കംപാര്‍ട്ട്‌മെന്റുകളുടെ എണ്ണം വെട്ടിക്കുറച്ചത് വരെയുള്ള അനാസ്ഥയില്‍ നിസ്സംഗത തുടരുകയാണ് .

2011 ല്‍ ജോലി കഴിഞ്ഞ് മടങ്ങുമ്പോള്‍ സൗമ്യ, 2024 ല്‍ ജോലിക്കിടെ ടിടിഇ വിനോദ്, ട്രെയിനിലുള്ളില്‍ വെച്ചുള്ള കൊലപാതകങ്ങള്‍ എന്നിവ ആവര്‍ത്തിക്കുകയാണ്. സംസ്ഥാനത്തെ ട്രെയിനുകളിലെ സുരക്ഷയില്‍ അധികൃതര്‍ നിസംഗത തുടരുകയാണെന്നാണ് യാത്രക്കാര്‍ പറയുന്നത്. മിക്ക ട്രെയിനുകളിലും സുരക്ഷ ഉദ്യോഗസ്ഥരില്ല. മിക്ക റെയില്‍വേ സ്‌റ്റേഷനുകളിലും ശരിയായി പ്രവര്‍ത്തിക്കുന്ന സിസിടിവി ക്യാമറകളില്ലെന്നും യാത്രക്കാര്‍ പറയുന്നു. ജനറല്‍ കംപാര്‍ട്ട്‌മെന്റുകളുടെ എണ്ണം വെട്ടിക്കുറച്ചതും ദുരിതമാകുന്നുവെന്ന് യാത്രക്കാര്‍ കൂട്ടിച്ചേര്‍ക്കുന്നു.