മലപ്പുറത്തെ ഒരു വാര്‍ഡില്‍ മല്‍സരിക്കാന്‍ ഒന്‍പത് യുഡിഎഫ് സ്ഥാനാര്‍ഥികള്‍; ഏഴു സ്ഥാനാര്‍ഥികള്‍ പത്രിക പിന്‍വലിച്ചു

മലപ്പുറം: പളളിക്കല്‍ ബസാര്‍ പഞ്ചായത്തിലെ കൂട്ടാലുങ്ങല്‍ വാര്‍ഡില്‍ മല്‍സരിക്കാന്‍ ഒന്‍പത് യുഡിഎഫ് സ്ഥാനാര്‍ഥികളാണ് നാമനിര്‍ദേശ പത്രിക നല്‍കിയിരുന്നത്. എന്നാല്‍ ഏഴ് സ്ഥാനാര്‍ഥികള്‍ പത്രിക പിന്‍വലിച്ചു. കൂട്ടാലുങ്ങല്‍ വാര്‍ഡില്‍ യുഡിഎഫിന് ഔദ്യോഗിക സ്ഥാനാര്‍ഥിയായി. കോണ്‍ഗ്രസില്‍ നിന്ന് ഏഴുപേരും ലീഗില്‍ നിന്ന് രണ്ടു പേരും പത്രിക നല്‍കിയിരുന്നു. ഡിസിസി നടത്തിയ ശ്രമം പരാജയപ്പെട്ടതോടെയാണ് ഭാരവാഹികള്‍ കൂട്ടമായി പത്രിക നല്‍കിയത്. മുന്‍ പഞ്ചായത്ത് അംഗം കെ പി സക്കീര്‍ കോണ്‍ഗ്രസ് ചിഹ്നത്തില്‍ മല്‍സരിക്കും. കഴിഞ്ഞ തവണ സംസ്ഥാനത്തു തന്നെ ഏറ്റവും കൂടുതല്‍ ഭൂരിപക്ഷം ലഭിച്ച വാര്‍ഡുകളിലൊന്നാണ് കൂട്ടാലുങ്ങല്‍.