പുതിയ തൊഴില് നിയമത്തിനെതിരേ ഇന്ന് രാജ്യവ്യാപക പ്രതിഷേധം
സംയുക്ത കിസാന് മോര്ച്ചയും സംയുക്ത തൊഴിലാളി യൂനിയനും ഉള്പ്പടെയുളള പ്രതിപക്ഷ സംഘടനകളാണ് പ്രതിഷേധത്തിന് ആഹ്വാനം ചെയ്തിരിക്കുന്നത്
ന്യൂഡല്ഹി: കേന്ദ്ര സര്ക്കാര് കൊണ്ടുവന്ന പുതിയ ലേബര് കോഡിനെതിരേ ഇന്ന് രാജ്യവ്യാപക പ്രതിഷേധം. 10 തൊഴിലാളി യൂനിയനുകള് ചേര്ന്ന് ലേബര് കോഡിന്റെ കോപ്പികള് കത്തിച്ചാണ് വിവിധ ഇടങ്ങളില് പ്രതിഷേധിക്കുക. സംയുക്ത കിസാന് മോര്ച്ചയും സംയുക്ത തൊഴിലാളി യൂനിയനും ഉള്പ്പടെയുളള പ്രതിപക്ഷ സംഘടനകളാണ് പ്രതിഷേധത്തിന് ആഹ്വാനം ചെയ്തിരിക്കുന്നത്. ജില്ലാ അടിസ്ഥാനത്തിലാണ് പ്രതിഷേധ പരിപാടികള് ആസൂത്രണം ചെയ്തിരിക്കുന്നത്. തൊഴില് നിയമങ്ങള് ഇല്ലാതാക്കുകയും തൊഴിലുടമകളുടെ താല്പര്യം മാത്രം സംരക്ഷിക്കുകയും ചെയ്യുന്നതാണ് പുതിയ പരിഷ്കാരണമെന്ന് വിവിധ തൊഴിലാളി സംഘടനകള് പറഞ്ഞു.
സര്വീസ് സംഘടനകളും പ്രതിഷേധത്തില് അണിചേരും. ഡല്ഹി ജന്തര് മന്ദറില് സംഘടനകള് സംയുക്തമായി പ്രതിഷേധിക്കും. സംയുക്ത കിസാന് മോര്ച്ച കളക്ടര്മാര്ക്ക് നിവേദനം നല്കും. ലേബര് കോഡ് പിന്വലിക്കാന് ആവശ്യപ്പെടുന്നതിനു പുറമെ പ്രഖ്യാപിച്ച താങ്ങുവില ഉറപ്പാക്കുക, സംസ്ഥാനങ്ങള്ക്ക് സംഭരണത്തിനായി കൂടുതല് തുക അനുവദിക്കുക എന്നീ കാര്യങ്ങളും നിവേദനത്തില് ചൂണ്ടിക്കാട്ടും. കേരളത്തില് സിഐടിയുവും ഐഎന്ടിയുസിയും ജില്ലാ ആസ്ഥാനങ്ങളില് പ്രതിഷേധ സദസ് സംഘടിപ്പിക്കും. തൊഴില് നിയമങ്ങള് കോര്പറേറ്റ് അനുകൂല കോഡുകളാക്കി മാറ്റാനാണ് ബിജെപി ശ്രമമെന്നാണ് പ്രതിപക്ഷ ആരോപണം. തൊഴിലാളി സംഘടനകളുടെ എതിര്പ്പുകള് അവഗണിച്ചാണ് ഈ മാസം 21 മുതല് ലേബര് കോഡുകള് പ്രാബല്യത്തിലായത്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
