ഉത്തരാഖണ്ഡില്‍ 10 സീറ്റില്‍ മല്‍സരിക്കുമെന്ന് ഇടതു പാര്‍ട്ടികള്‍

ന്യൂഡല്‍ഹി: ഉത്തരാഖണ്ഡ് നിയമസഭാ തിരഞ്ഞെടുപ്പില്‍ പത്തു സീറ്റില്‍ മല്‍സരിക്കുമെന്ന് ഇടതു പാര്‍ട്ടികള്‍. സിപിഐ 4, സിപിഎം 4, സിപിഐ (എംഎല്‍) ലിബറേഷന്‍ 2- എന്നിങ്ങനെയാണ് സീറ്റു വിഭജിച്ചിരിക്കുന്നത്.

രുദ്രപ്രയാഗ്, ഗംഗോത്രി, നരേന്ദ്ര നഗര്‍, ബദ്രിനാഥ് എന്നീ മണ്ഡലങ്ങളിലാണ് സിപിഐ മല്‍സരിക്കുന്നത്. കേദാര്‍നാഥ്, ധരലി,ഷാസ്പുര്‍,റാണിപ്പുര്‍ എന്നിവിടങ്ങളില്‍ സിപിഎം മത്സരിക്കും. കര്‍ണപ്രയാഗ്, ലാല്‍കോം എന്നിവടങ്ങളിലാണ് സിപിഐ (എംഎല്‍) മത്സരിക്കുന്നത്. 70 അംഗ നിയമസഭയിലേക്ക് ഫെബ്രുവരി 14നാണ് ഉത്തരാഖണ്ഡില്‍ തിരഞ്ഞെടുപ്പ്.