കൊല്ലത്ത് നാല് വിദ്യാര്‍ത്ഥികള്‍ക്ക് എച്ച്1എന്‍1

കൊല്ലം: എസ്എന്‍ ട്രസ്റ്റ് സെന്‍ട്രല്‍ സ്‌കൂളിലെ നാലു കുട്ടികള്‍ക്ക് എച്ച്1എന്‍1 സ്ഥിരീകരിച്ചു. ഒമ്പതാം ക്ലാസിലെ കുട്ടികള്‍ക്കാണ് രോഗം ബാധിച്ചത്. പനി ബാധിച്ച കുട്ടികള്‍ക്ക് പരിശോധന നടത്തിയപ്പോഴാണ് സ്ഥിരീകരിച്ചത്. സംഭവത്തില്‍ ആരോഗ്യവകുപ്പ് അധികൃതര്‍ നടപടി തുടങ്ങി. പനി ബാധിച്ച മറ്റുകുട്ടികളെ ടെസ്റ്റ് ചെയ്യാന്‍ ആരോഗ്യ വകുപ്പ് നിര്‍ദേശം നല്‍കി. കൂടുതല്‍ കുട്ടികള്‍ക്ക് അസുഖം ബാധിച്ചതായും സംശയമുണ്ട്. സംഭവത്തില്‍ സ്‌കൂള്‍ അധികൃതരുമായി ആരോഗ്യ വകുപ്പ് അടിയന്തര യോഗം വിളിച്ചു. സ്‌കൂള്‍ താത്ക്കാലികമായി അടച്ചിടുന്നത് ഉള്‍പ്പെടെയുള്ള തീരുമാനങ്ങളിലേക്ക് അടിയന്തര യോഗത്തിന് ശേഷം ആരോഗ്യവകുപ്പ് കടക്കുമെന്നാണ് സൂചന. രാത്രി എട്ട് മണിക്കാണ് യോഗം നടക്കുക.