ഹരിയാന എഡിജിപി പൂരൺ കുമാറിന്റെ ആത്മഹത്യ; മുതിർന്ന ഉദ്യോഗസ്ഥരുടെ പങ്ക് ആരോപിച്ച് കുടുംബം

ന്യൂഡൽഹി: ഹരിയാന അഡീഷണൽ ഡയറക്ടർ ജനറൽ ഓഫ് പോലിസ് (എഡിജിപി) വൈ പൂരൺ കുമാർ ചണ്ഡീഗഡ് സെക്ടർ 11ലെ വസതിയിൽ ആത്മഹത്യ ചെയ്ത നിലയിൽ കണ്ടെത്തപ്പെട്ടു. സർവീസ് റിവോൾവർ ഉപയോഗിച്ച് ജീവനൊടുക്കിയ നിലയിലായിരുന്നു.

സീനിയർ ഐഎഎസ് ഉദ്യോഗസ്ഥയായ അംനീത് പി കുമാർ,റോഹ്തക്‌ എസ്പി നരേന്ദ്ര ബിജാർനിയുൾപ്പെടെ ചില മുതിർന്ന ഉദ്യോഗസ്ഥർ പൂരൺ കുമാറിനെ ആത്മഹത്യ ചെയ്യാൻ പ്രേരിപ്പിച്ചതായി പൂരൺ കുമാറിന്റെ ഭാര്യ ആരോപിച്ചു. ഹരിയാന എഡിജിപി ദീർഘകാലമായി പീഡനത്തിനും അപമാനത്തിനും, കൂടാതെ ജാതിവിവേചനവും നേരിട്ടതായി ഭാര്യ വ്യക്തമാക്കുന്നു. ഇവിടെയുള്ള 16 മുതിർന്ന ഉദ്യോഗസ്ഥരുടെ പേരുകൾ പൂരൺ കുമാർ നേരത്തെ ഉൾപ്പെടുത്തി, അവർക്ക് നേരെയുള്ള നടപടികൾ ആവശ്യപ്പെട്ടുവെന്ന് പരാതിയിൽ പറയുന്നു.

ഹരിയാന മുഖ്യമന്ത്രി നയാബ് സിംങ് സൈനി കുറ്റക്കാരായ ഉദ്യോഗസ്ഥരിൽ പദവി നോക്കാതെ നിയമപ്രകാരം നടപടി സ്വീകരിക്കുമെന്നും വ്യക്തമാക്കി. ഹരിയാന ഐഎഎസ് ഓഫിസേഴ്സ് അസോസിയേഷനും പൂരൺ കുമാറിന്റെ പരാതികളെ ഗൗരവത്തോടെ എടുത്ത് നടപടിയെടുക്കാൻ സംസ്ഥാന സർക്കാരിനോട്‌ ആവശ്യപ്പെട്ടു.

പൂരൺ കുമാർ 2021ൽ മുന്‍ ഡിജിപി മനോജ് യാദവയ്ക്കെതിരെയും മറ്റു മുതിർന്ന ഉദ്യോഗസ്ഥരെതിരെ ഔദ്യോഗിക പരാതി നൽകിയിരുന്നുവെന്നും, ജാതിവിവേചനത്തെയും അനധികൃത നിരീക്ഷണത്തെയും സംബന്ധിച്ച് നിരവധി പരാതികൾ ഉയര്‍ത്തിയിരുന്നതായും ഭാര്യ അവകാശപ്പെട്ടു.