പന്നിക്കെണിയില്‍ നിന്ന് ഷോക്കേറ്റു; അതിഥി തൊഴിലാളി മരിച്ചു

പാലക്കാട്: ചെര്‍പ്പുളശ്ശേരി കാറല്‍മണ്ണയില്‍ പന്നിക്കെണിയില്‍ നിന്ന് ഷോക്കേറ്റ് ഇതര സംസ്ഥാന തൊഴിലാളി മരിച്ചു. ബംഗാള്‍ സ്വദേശി രഞ്ജിത് മാണിക്കാണ് മരിച്ചത്. ഇന്നലെ രാത്രി പതിനൊന്നിനാണ് സംഭവം. അപകടത്തിനുപിന്നാലെ മൂന്നുപേരെ പോലിസ് കസ്റ്റഡിയിലെടുത്തു. രണ്ടുവര്‍ഷമായി രഞ്ജിത് മാണിക് പ്രദേശത്ത് വാടകയ്ക്ക് താമസിച്ചുവരികയാണ്. വീടിനടുത്ത് വാഴ കൃഷി ചെയ്യുന്നവരാണ് പന്നി കെണിയൊരുക്കിയത്. ഇതിനെതുടര്‍ന്ന് കൃഷി പാട്ടത്തിനെടുത്ത വ്യക്തി, അനധികൃതമായി ലൈന്‍ വലിച്ചയാള്‍, ഭൂമിയുടെ ഉടമസ്ഥന്‍ എന്നിവരെ ചെര്‍പ്പുളശ്ശേരി പൊലീസ് കസ്റ്റഡിയിലെടുത്തു.