മഴ തുടരും - നാല് ജില്ലകളിൽ മഞ്ഞ അലർട്ട്

തിരുവനന്തപുരം : സംസ്ഥാനത്ത് തോരാത്ത മഴക്ക് സാധ്യത. ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദത്തിന്റെ സ്വാധീന ഫലമായി കേരളത്തിൽ അടുത്ത അഞ്ചുദിവസം കൂടി മഴ തുടരും എന്ന് കേന്ദ്ര കാലാവസ്ഥാ വകുപ്പ് അറിയിച്ചു . ഇന്ന് നാല് ജില്ലകളിൽ മഞ്ഞ അലർട്ട് പ്രഖ്യാപിച്ചു .എറണാകുളം, തൃശൂർ ,കോഴിക്കോട് ജില്ലകളിലാണ് അലർട്ട് നൽകിയിരിക്കുന്നത് . കോഴിക്കോട് കണ്ണൂർ കാസർകോട് ജില്ലകളിൽ നാളെയും മഞ്ഞ അലർട്ട് തന്നെ ആയിരിക്കും.ശക്തമായ തിരമാലക്കും കടൽക്ഷോഭത്തിനും സാധ്യതയുള്ളതിന്നാൽ മത്സ്യബന്ധനത്തിന് വിലക്കേർപ്പെടുത്തിയിട്ടുണ്ട് .കേരളത്തിൽ തീരത്തും, ലക്ഷദ്വീപ് തീരത്തും, കർണാടക തീരത്തുമാണ് വിലക്ക്. മണിക്കൂറിൽ 60 കിലോമീറ്റർ വരെ വേഗത്തിൽ കാറ്റിനും സാധ്യതയുണ്ടെന്ന് കേന്ദ്ര കാലവസ്ഥ വകുപ്പ് അറിയിച്ചു.