ഗൂഗിള്‍ പേ ഓതന്റിക്കേഷന് ഇനി വിരലടയാളവും
പിന്‍ നമ്പര്‍ കൊടുക്കുന്നതിന് പകരം വിരല്‍ അടയാളമോ ഫേസ് റെകഗ്നിഷനോ ഉപയോഗിച്ച് പണകൈമാറ്റം സാധ്യമാക്കുന്ന സംവിധാനമാണ് വരുന്നത്.
ഡിജിറ്റല്‍ പണ കൈമാറ്റ രംഗത്ത് അതിവേഗം ജനപ്രിമായിക്കൊണ്ടിരിക്കുന്ന ഗൂഗിള്‍ പേ ഓതന്റിക്കേഷന്(അക്കൗണ്ട് ഉടമയെ തിരിച്ചറിയുന്നതിന്) പുതിയ സംവിധാനം കൊണ്ടുവരുന്നു. പിന്‍ നമ്പര്‍ കൊടുക്കുന്നതിന് പകരം വിരല്‍ അടയാളമോ ഫേസ് റെകഗ്നിഷനോ ഉപയോഗിച്ച് പണകൈമാറ്റം സാധ്യമാക്കുന്ന സംവിധാനമാണ് വരുന്നത്.
നിലവില്‍ 4 അക്കമുള്ള പിന്‍ നമ്പറാണ് ഗൂഗിള്‍ പേ ഓതന്റിക്കേഷന് ഉപയോഗിക്കുന്നത്. അതിന് പകരമാണ് എളുപ്പത്തിലുള്ളതും കൂടുതല്‍ സുരക്ഷിതവുമായ ഫിങ്കര്‍ പ്രിന്റ്, ഫേസ് റെകഗ്നിഷന്‍ സംവിധാനം. എന്നാല്‍, പുതിയ രീതി ആന്‍ഡ്രോയ്ഡ് 10ല്‍ പ്രവര്‍ത്തിക്കുന്ന മൊബൈലുകളില്‍ മാത്രമേ ലഭ്യമാവൂ. അതേ സമയം, 4 അല്ലെങ്കില്‍ 6 ഡിജിറ്റ് ഓതന്റിക്കേഷന് സംവിധാനവും തുടരും.
ഗൂഗിള്‍ പേയുടെ ഏറ്റവും പുതിയ പതിപ്പില്‍(V2.100) വിരലടയാളം വച്ചുള്ള ഓതന്റിക്കേഷന് ലഭ്യമാണ്. നിലവില്‍ ഭൂരിഭാഗം പേരും ആന്‍ഡ്രോയിഡ് 9 അടിസ്ഥാനമായിട്ടുള്ള ഫോണുകളാണ് ഉപയോഗിക്കുന്നതെന്നതിനാല്‍ ഈ പതിപ്പിലും അധികം വൈകാതെ പുതിയ സൗകര്യം ലഭ്യമാവും.
