കൊവിഡ് 19: നിരീക്ഷണത്തിലിരിക്കെ ആശുപത്രി കെട്ടിടത്തില് നിന്ന് ചാടി മരിച്ചു; പരിശോധനാഫലം വന്നപ്പോള് നെഗറ്റീവ്
പഞ്ചാബിലെ ബലാചൗര് ജില്ലക്കാരനായ യുവാവ് മാര്ച്ച് 18നാണ് ഓസ്ട്രേലിയയിലെ സിഡ്നിയില് നിന്ന് ഡല്ഹിയിലെത്തിയത്. വിമാനത്താവളത്തിലെ പ്രാഥമിക പരിശോധനയില് തനിക്ക് തലവേദനയുണ്ടെന്ന് ഇയാള് അറിയിച്ചിരുന്നു.
ന്യൂഡല്ഹി: കൊറോണ നിരീക്ഷണത്തിലിരിക്കെ ഡല്ഹി സഫ്ദര്ജങ് ആശുപത്രി കെട്ടിടത്തില് നിന്ന് ചാടിമരിച്ച യുവാവിന്റെ പരിശോധനാ ഫലം നെഗറ്റീവ്. ഈ മാസം 18നാണ് ഡല്ഹി വിമാനത്താവളത്തില് വന്നിറങ്ങിയ 23കാരനെ കൊറോണ പരിശോധനയ്ക്കായി ആശുപത്രിയിലേക്ക് കൊണ്ടുപോയത്.
പഞ്ചാബിലെ ബലാചൗര് ജില്ലക്കാരനായ യുവാവ് മാര്ച്ച് 18നാണ് ഓസ്ട്രേലിയയിലെ സിഡ്നിയില് നിന്ന് ഡല്ഹിയിലെത്തിയത്. വിമാനത്താവളത്തിലെ പ്രാഥമിക പരിശോധനയില് തനിക്ക് തലവേദനയുണ്ടെന്ന് ഇയാള് അറിയിച്ചിരുന്നു. തുടര്ന്ന് ആശുപത്രിയിലെത്തിച്ച ഇയാളില് നിന്ന് സാമ്പിളുകള് ശേഖരിച്ച് പരിശോധനയ്ക്ക് അയച്ചു. ഇതിന് ശേഷമാണ് ഇയാള് ആശുപത്രി കെട്ടിടത്തില് നിന്ന് താഴേക്ക് ചാടി ആത്മഹത്യ ചെയ്തത്. ഇയാളുടെ പരിശോധനാ ഫലം കഴിഞ്ഞ ദിവസമാണ് ലഭിച്ചത്. അതില് കൊറോണ നെഗറ്റീവായിരുന്നുവെന്ന് ആശുപത്രി അധികൃതര് പറഞ്ഞു. ആശുപത്രിയിലെത്തിച്ച ഇയാളുടെ തുടര് പരിശോധനയ്ക്കായി ഡോക്ടര്മാര് എത്തുമ്പോഴേക്കും യുവാവ് ആത്മഹത്യ നടന്നിരുന്നു. അതേസമയം മരിച്ചയാളിന്റെ ബന്ധുക്കള് അധികൃതരെ കുറ്റപ്പെടുത്തി ആശുപത്രിയില് കൊണ്ടുപോയതിനെ കുറിച്ചുള്ള വിവരങ്ങള് തങ്ങള്ക്ക് ലഭിച്ചില്ലെന്നും ബന്ധുക്കള് ആരോപിച്ചു.