ഹിജാബ് വി​ഷ​യത്തി​ൽ ഇ​രു സമുദായത്തിലെയും സാ​മൂ​ഹി​ക ​ദ്രോ​ഹി​ക​ൾ​ക്ക്​ പ​ങ്ക്: കർണാടക ​വഖഫ്​ ബോർഡ്​ ചെയർമാൻ

ബം​ഗ​ളൂ​രു: ശി​രോ​വ​സ്ത്ര വി​ഷ​യം സൗ​ഹാ​ർ​ദ​പ​ര​മാ​യി പ​രി​ഹ​രി​ക്ക​ണ​മെ​ന്ന്​ ക​ർ​ണാ​ട​ക വ​ഖ​ഫ്​ ബോ​ർ​ഡ്​ ചെ​യ​ർ​മാ​ൻ എ​ൻ കെ മുഹ​മ്മ​ദ്​ ഷാ​ഫി സ​അ​ദി പ​റ​ഞ്ഞു. ഉ​ഡു​പ്പി​യി​ലെ ഖാളിമാ​രും പ​ണ്ഡി​ത​രും പ്ര​ശ്ന​പ​രി​ഹാ​ര​ത്തി​ന്​ ഇ​ട​പെ​ട​ണം. പ്ര​ശ്നം അതിരു കവിഞ്ഞിരി​ക്കു​ക​യാ​ണെ​ന്നും ഉ​ഡു​പ്പി ഗ​വ. വ​നി​ത പി ​യു കോ​ള​ജി​ൽ പ്ര​ശ്നം ആ​രം​ഭി​ച്ച​പ്പോ​ൾ ത​ന്നെ അ​ത്​ പരിഹരിക്കപ്പെടണമായിരു​ന്നെ​ന്നും അദ്ദേഹം പ​റ​ഞ്ഞു. വി​ഷ​യം ഇത്രത്തോളം ഉ​യ​ർ​ത്തി​ക്കൊ​ണ്ടു​വ​ന്ന​തി​ൽ ഇരുസമുദായത്തിലെയും സാ​മൂ​ഹി​ക​ ദ്രോഹികൾ​ക്ക്​ പ​ങ്കു​ണ്ട്.

സം​സ്ഥാ​ന​ത്തെ ശാ​ന്തി​യും സ​മാ​ധാ​ന​വും ക​വ​രു​ന്ന പ്ര​ശ്ന​ത്തി​ൽ നി​ക്ഷി​പ്ത താ​ൽ​പ​ര്യ​ക്കാ​ർ നേ​ട്ടം​കൊ​യ്യു​ന്ന​ത്​ ത​ട​ഞ്ഞ്​ ഐക്യകണ്ഠ്യേന പ​രി​ഹാ​രം കാ​ണ​ണം. മ​ഹാ​ക​വി കു​വെ​മ്പു സൂ​ചി​പ്പി​ച്ച 'സ​ർ​വ ജ​നാം​ഗ​ദ ശാ​ന്തി​യ തോ​ട്ട'​ക്കാ​യി പ്ര​വ​ർ​ത്തി​ക്ക​ണം. വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ ശിരോവസ്ത്ര വി​വാ​ദം ഉ​യ​ർ​ന്ന​ത്​ ദൗ​ർ​ഭാ​ഗ്യ​ക​ര​മാ​ണ്. 

സാ​മൂ​ഹി​ക സൗ​ഹാ​ർ​ദം ത​ക​ർ​ക്കാ​ൻ അ​ക്ര​മി​ക​ളെ അ​നു​വ​ദി​ക്ക​രു​ത്. അ​ത്ത​രം ​ശ്ര​മ​ങ്ങ​ൾ​ക്കു​നേ​രെ നി​ശ്ശ​ബ്​​ദ​ത പാ​ലി​ക്കാ​നാ​വി​ല്ല. ഭരണഘ​ട​ന ന​ൽ​കു​ന്ന സ്വാ​ത​ന്ത്ര്യ​ത്തി​ൽ എ​ല്ലാ മ​ത​ക്കാ​രും പ്ര​വ​ർ​ത്തി​ക്കു​ന്ന സൗ​ഹൃ​ദ ക​ർ​ണാ​ട​ക​യാ​ണ്​ ന​മു​ക്ക്​ വേ​ണ്ട​ത്.

എ​ല്ലാ മ​ത​നേ​താ​ക്ക​ളു​ടെ​യും യോ​ഗം വി​ളി​ച്ച​താ​യും സി​ദ്ധ​ഗം​ഗ മ​ഠാ​ധി​പ​തി സി​ദ്ധ​ലിം​ഗ സ്വാ​മി​യു​മാ​യി സം​സാ​രി​ച്ച​താ​യും ചൂണ്ടിക്കാട്ടിയ ചെയർമാൻ, ബം​ഗ​ളൂ​രു​വി​ൽ പെ​ജാ​വ​ർ മ​ഠാ​ധി​പ​തി വി​ശ്വ​പ്ര​സ​ന്ന തീ​ർ​ഥ സ്വാ​മി​യു​മാ​യി വൈ​കാ​തെ ച​ർ​ച്ച നടത്തുമെന്നും പ​റ​ഞ്ഞു.