കൊറോണയ്ക്കിടയില് 'രാമായണം' കാണുന്ന ചിത്രവുമായി കേന്ദ്രമന്ത്രി; രൂക്ഷ വിമര്ശനം
ലോക്ക് ഡൗണ് കാരണം എല്ലാ പൊതുഗതാഗതവും നിലച്ചതോടെ, ഭക്ഷണവും പാര്പ്പിടവും വരുമാനവുമില്ലാതെ പലരും കാല്നടയായി നൂറുകണക്കിന് കിലോമീറ്റര് യാത്ര ചെയ്യാന് നിര്ബന്ധിതരാവുമ്പോഴാണ് മന്ത്രിയുടെ സീരിയല് കാണാനുള്ള ആഹ്വാനമെന്നത് പലരെയും ചൊടിപ്പിച്ചു. ജനങ്ങള് പട്ടിണി മരണത്തിലേക്ക് നീങ്ങുമ്പോഴാണോ സീരിയല് കാണേണ്ടതെന്നായിരുന്നു ഒരാളുടെ പ്രതികരണം. തൊഴിലില്ലാത്തതിനാല് നാട്ടിലേക്ക് കാല്നടയായി കിലോമീറ്ററുകളോളം നടന്നുപോവുന്ന തൊഴിലാളികളുടെയും ഭക്ഷണമില്ലാതെ വിഷമിക്കുന്നവരുടെയും ചിത്രങ്ങളാണ് പലരും മന്ത്രിക്ക് മറുപടിയായി നല്കിയത്. മാസ്ക്, വെന്റിലേറ്റര്, ടെസ്റ്റ് കിറ്റ്, ആശുപത്രി എന്നീ ആവശ്യങ്ങളുമായി എത്തുന്ന പോതുജനങ്ങള്ക്ക് മന്ത്രി ടിവിയില് ദൂരദര്ശനിലെ കാഴ്ചകള് കാണാന് നിര്ദേശിക്കുന്ന കാര്ട്ടൂണും ചിലര് കമ്മന്റായി കൊടുത്തിട്ടുണ്ട്.