ത്രിപുര: അഭിഭാഷകര്‍ക്കെതിരേ യുഎപിഎ പ്രകാരം കേസെടുത്ത സംഭവത്തില്‍ എന്‍സിഎച്ച്ആര്‍ഒ പ്രതിഷേധിച്ചു
കോഴിക്കോട് കിഡ്‌സണ്‍ കോര്‍ണറില്‍ പ്രതിഷേധം സംഘടിപ്പിച്ചു
കോഴിക്കോട്: ത്രിപുരയില്‍ മുസ്‌ലിംകള്‍ക്കെതിരേ സംഘപരിവാരം നടത്തിയ വംശീയാതിക്രമങ്ങള്‍ പുറത്തുകൊണ്ടുവന്ന അഭിഭാഷകര്‍ക്കെതിരേ യുഎപിഎ ചുമത്തി കേസെടുത്ത ത്രിപുരയിലെ ബിജെപി ഭരണകൂടത്തിന്റെ നടപടിക്കെതിരേ എന്‍സിഎച്ച്ആര്‍ഒ ദേശവ്യാപകമായി പ്രതിഷേധം സംഘടിപ്പിച്ചു. കോഴിക്കോട് കിഡ്‌സണ്‍ കോര്‍ണറില്‍ നടന്ന പ്രതിഷേധത്തില്‍ മുതിര്‍ന്ന മാധ്യമ പ്രവര്‍ത്തകന്‍ എന്‍ പി ചെക്കുട്ടി, എന്‍സിഎച്ച്ആര്‍ഒ ദേശീയ സെക്രട്ടറി റെനി ഐലിന്‍, സംസ്ഥാന പ്രസിഡന്റ് വിളയോടി ശിവന്‍കുട്ടി, സാമൂഹിക പ്രവര്‍ത്തക അംബിക, അഡ്വ ശറഫുദ്ദീന്‍ തുടങ്ങിയവര്‍ സംസാരിച്ചു.
എന്‍സിഎച്ച്ആര്‍ഒ ദേശീയ സെക്രട്ടറി അഡ്വ. അന്‍സാര്‍ ഇന്‍ഡോറിക്കും പിയുസിഎല്‍ അംഗം അഡ്വ. മുകേഷിനുമെതിരേയാണ് ത്രിപുരയിലെ ബിജെപി ഭരണകൂടം കഴിഞ്ഞ ദിവസം കേസെടുത്തത്.