ഗുവാഹത്തി: ത്രിപുര കോണ്ഗ്രസ് സംസ്ഥാന അധ്യക്ഷന് പിജുഷ് കാന്തി ബിശ്വാസ് രാജിവച്ചു. രാഷ്ട്രീയത്തില്നിന്ന് വിരമിക്കുകയാണെന്ന് അദ്ദേഹം ട്വീറ്റ് ചെയ്തു. അതേസമയം ഇദ്ദേഹം തൃണമൂല് കോണ്ഗ്രസില് ചേര്ന്നേക്കുമെന്നും റിപ്പോര്ട്ടുകളുണ്ട്. എന്നാല്, രാഷ്ട്രീയത്തില് നിന്ന് വിരമിക്കുകയാണെന്നും മറ്റൊരു പാര്ട്ടിയില് ചേര്ന്ന് പ്രവര്ത്തിക്കാന് തീരുമാനിച്ചിട്ടില്ലെന്നും പ്രമുഖ അഭിഭാഷകന് കൂടിയായ ബിശ്വാസ് വ്യക്തമാക്കി.
Tripura Congress acting president Pijush Kanti Biswas resigns from the post
— ANI (@ANI) August 21, 2021
"It's very painful for me to resign from the post. I'm grateful to Sonia ji for giving me a chance to serve the party. I am retiring from politics and I'm happy to go back to my profession," he says pic.twitter.com/Bsz7et3XI1
'ഞാന് ടിപിസിസി പ്രസിഡന്റ് ആയിരുന്നപ്പോള് തന്ന സഹകരണത്തിന് എല്ലാ കോണ്ഗ്രസ് നേതാക്കളോടും ആത്മാര്ഥമായ നന്ദി അറിയിക്കുന്നു. ഇന്ന് ഞാന് പ്രസിഡന്റ് സ്ഥാനം രാജിവച്ച് രാഷ്ട്രീയത്തില്നിന്നും വിരമിക്കുന്നു. സോണിയ ഗാന്ധിക്ക് എന്റെ ആത്മാര്ഥമായ നന്ദി'. അദ്ദേഹം ട്വീറ്റ് ചെയ്തു.
ത്രിപുരയില് കോണ്ഗ്രസില് നിന്നും തൃണമൂല് കോണ്ഗ്രസിലേക്ക് ഒഴുക്ക് തുടരുകയാണ്. 2023 നിയമസഭ തിരഞ്ഞെടുപ്പ് മുന്നില് കണ്ട് വലിയ നീക്കങ്ങള്ക്ക് തൃണമൂല് അധ്യക്ഷയും ബംഗാള് മുഖ്യമന്ത്രിയുമായ മമത ബാനര്ജി ത്രിപുരയില് നടത്തുന്നത്. അടുത്തിടെ മുതിര്ന്ന തൃണമൂല് നേതാവ് അഭിഷേക് ബാനര്ജി ത്രിപുര സന്ദര്ശിച്ചിരുന്നു.