വെ​ള്ളം കോ​രു​ന്ന​തി​നി​ടെ കി​ണ​റ്റി​ൽ വീ​ണ മാ​താ​വി​നെ സാ​ഹ​സി​ക​മാ​യി ര​ക്ഷ​പ്പെ​ടു​ത്തി മ​ക​ൻ

നി​ല​മ്പൂ​ർ: കാ​ൽ വ​ഴു​തി കി​ണ​റ്റി​ൽ വീ​ണ മാ​താ​വി​നെ മ​ക​ൻ അ​തി​സാ​ഹ​സി​ക​മാ​യി ര​ക്ഷ​പ്പെ​ടു​ത്തി. വ​ഴി​ക്ക​ട​വ് ആ​ല​പ്പൊ​യി​ലി​ലെ മു​ണ്ട​ക്ക​തൊ​ടി​ക ആ​മി​ന​യെ​യാ​ണ് (60) മ​ക​ൻ അ​ബ്ദു​ൽ റ​ഷീ​ദ് അ​ത്ഭു​ത​ക​ര​മാ​യി ര​ക്ഷ​പ്പെ​ടു​ത്തി​യ​ത്. ക​ഴി​ഞ്ഞ ദി​വ​സം രാ​വി​ലെ 11.30ഓ​ടെ​യാ​ണ് സം​ഭ​വം. വീ​ടി​ന് ചേ​ർ​ന്നു​ള്ള കി​ണ​റ്റി​ൽ​നി​ന്ന് വെ​ള്ളം കോ​രു​ന്ന​തി​നി​ടെ​യാ​ണ് കാ​ൽ തെ​ന്നി ആ​മി​ന 31 റി​ങ്ങു​ള്ള കി​ണ​റ്റി​ൽ വീ​ണ​ത്. ശ​ബ്ദം കേ​ട്ട് ഓ​ടി​യെ​ത്തി​യ അ​ബ്ദു​ൽ റ​ഷീ​ദ് ഉ​ട​ൻ കി​ണ​റ്റി​ലേ​ക്ക് എ​ടു​ത്തു ചാ​ടി.

17 റി​ങ് വെ​ള്ള​മു​ണ്ടാ​യി​രു​ന്നു. വീ​ഴ്ച​യു​ടെ ആ​ഘാ​ത​ത്തി​ൽ ബോ​ധം പോ​യ ഉ​മ്മ​യെ മ​ക​ൻ റി​ങ്ങി​ൽ പി​ടി​ച്ച് വെ​ള്ള​ത്തി​ന് മു​ക​ളി​ൽ ഉ​യ​ർ​ത്തി​പ്പി​ടി​ച്ചു. നി​ല​വി​ളി കേ​ട്ട് ഓ​ടി​യെ​ത്തി​യ ആമിനയുടെ ഇളയ മകൻ അഷ്റഫും കിണറ്റിലേക്ക് സഹസികമായി ഇറങ്ങി. രണ്ട് പേരും ചേർന്ന് ഉമ്മയെ ഉയർത്തി പിടിക്കുകയായിരുന്നു. ശബ്ദം കേട്ട് ഓടിയെത്തിയ നാട്ടുകാർ മൂവരെയും കരക്കെത്തിച്ചു. കിണറ്റിലേക്ക് ചാടുന്നതിനിടെ റിങ്ങിൽ തട്ടി റഷീദിന്റെ കാലൊടിഞ്ഞിട്ടുണ്ട്. മറ്റു രണ്ട് പേരും പരിക്കേൽക്കാതെ രക്ഷപെട്ടു.