റഷ്യയിലെ പ്രമുഖ മാധ്യമ പ്രവര്ത്തക ആഭ്യന്തര മന്ത്രാലയത്തിനു മുന്നില് തീകൊളുത്തി മരിച്ചു
തന്റെ ഫ്ളാറ്റില് നടന്ന റെയ്ഡില് പോലിസ് ലാപ്ടോപ്പും മൊബൈല് ഫോണുകളും രേഖകളും പിടിച്ചെടുത്തതായി വ്യാഴാഴ്ച ഐറിന ആരോപിച്ചിരുന്നു. ആഭ്യന്തര മന്ത്രാലയം സ്ഥിതി ചെയ്യുന്ന നിസ്നി നോവ്ഗോറോഡ് ഗോര്ക്കി സ്ട്രീറ്റിലെ ബെഞ്ചിലിരുന്നാണ് ഐറിന ശരീരത്തില് പെട്രോള് ഒഴിച്ച് തീ കൊളുത്തിയത്. സംഭവത്തിന്റെ വീഡയോ ദൃശ്യങ്ങള് പുറത്തുവന്നിട്ടുണ്ട്. ഐറിനയുടെ ശരീരത്തിലെ തീ കെടുത്താന് ആളുകള് ശ്രമിക്കുന്നത് ദൃശ്യങ്ങളില് കാണാം. ഐറിനയുടെ മരണം റഷ്യന് അന്വേഷണ സമിതി സ്ഥിരീകരിച്ചു.
ജനാധിപത്യത്തിനു വേണ്ടി വാദിക്കുന്ന ഓപ്പണ് റഷ്യ എന്ന സംഘടനയുമായി ബന്ധമുണ്ടെന്ന്് ആരോപിച്ച് പോലിസ് ഐറിനയെ നിരന്തരം വേട്ടയാടുന്നതായി ആരോപണമുണ്ടായിരുന്നു. ഐറിനയെ മാനസികമായി തളര്ത്തുകയും തടവിലാക്കുകയും പിഴ ചുമത്തുകയും വേട്ടയാടുകയും ചെയ്തിരുന്നതായി അവരുമായി അടുത്ത ബന്ധമുള്ള നടാലിയ ഗ്രയാന്സെവിച്ച് ബിബിസിയോട് പറഞ്ഞു.