ആത്മഹത്യാശ്രമം അവസരം നിഷേധിച്ചതിന്റെ മനോവിഷമത്തിലെന്ന് ആര്‍ എല്‍ വി രാമകൃഷ്ണന്
ചാലക്കുടി: മോഹിനിയാട്ടത്തിന് അവസരം നിഷേധിച്ചതിലുള്ള മനോവിഷമം കാരണമാണ് ആത്മഹത്യയ്ക്ക് ശ്രമിച്ചതെന്ന് കലാഭവന്‍ മണിയുടെ സഹോദരന്‍ ആര്‍ എല്‍ വി രാമകൃഷ്ണന്. പോലിസിന് നല്‍കിയ മൊഴിയിലാണ് ഇക്കാര്യം വ്യക്തമാക്കിയിട്ടുള്ളത്. എന്നാല്‍, സംഭവവുമായി ബന്ധപ്പെടുത്തി ആരുടെയും പേര് രാമകൃഷ്ണന് പറഞ്ഞിട്ടില്ല. അമിതമായി ഗുളികകള്‍ കഴിച്ച് അബോധാവസ്ഥയിലായ സംഭവത്തില്‍ പോലിസ് ഇതുവരെ കേസെടുത്തിട്ടില്ല. അന്വേഷണം നടത്തിയശേഷമേ നടപടിയെടുക്കേണ്ടതുള്ളൂ എന്നാണ് ചാലക്കുടി ഡിവൈഎസ് പി സി ആര്‍ സന്തോഷ്‌കുമാര്‍ നിര്‍ദേശം നല്‍കിയിട്ടുള്ളത്.
കറുകുറ്റിയില്‍ സ്വകാര്യ ആശുപത്രിയില്‍ ചികില്‍സയിലുള്ള രാമകൃഷ്ണന് അപകടനില തരണംചെയ്തിട്ടുണ്ടെങ്കിലും കൂടുതല്‍ സംസാരിക്കാവുന്ന അവസ്ഥയിലെത്തിയിട്ടില്ല. ഇക്കഴിഞ്ഞ ശനിയാഴ്ച വൈകീട്ട് 7.30ഓടെയാണ് ആര്‍ എല്‍ വി രാമകൃഷ്ണനെ വീടിനു സമീപത്തെ നൃത്തം അഭ്യസിപ്പിക്കുന്ന കലാഗൃഹത്തില്‍ അബോധാവസ്ഥയില്‍ കണ്ടെത്തിയത്.
RLV Ramakrishnan said that he was depressed after being denied to attempt suicide