ബംഗളൂരു: രാഹുല് ഗാന്ധിയുടെ ഭാരത് ജോഡോ യാത്രയ്ക്ക് ആവേശം പകരാന് ഇന്ന് പ്രിയങ്ക ഗാന്ധിയും എത്തുന്നു. ഭാരത് ജോഡോ യാത്രയ്ക്ക് ആവേശം പകര്ന്ന് കഴിഞ്ഞ ദിവസം സോണിയാ ഗാന്ധി യാത്രയുടെ ഭാഗമായിരുന്നു. കര്ണാടകയില് നാലര കിലോമീറ്റര് ദൂരം സോണിയ പദയാത്ര നടത്തി. കര്ണാടകയില് തെരഞ്ഞെടുപ്പ് പ്രചാരണത്തിന് കൂടി തുടക്കം കുറിച്ചായിരുന്നു ഭാരത് ജോഡോ യാത്ര.
അവശത മറന്ന് നാലര കിലോമീറ്റര് ദൂരം സോണിയ ഗാന്ധി നടന്നു. രാഹുലിനൊപ്പം അഭിവാദ്യം ചെയ്തുള്ള പദയാത്ര പ്രവര്ത്തകര്ക്ക് ആവേശമായി. ഭിന്നത മറന്ന് ഡി കെ ശിവകുമാറും സിദ്ധരാമ്മയ്യയും യാത്രിയില് അണിനിരന്നു. കര്ണാടകയല് കോണ്ഗ്രസ് തിരിച്ചുവരവിന്റെ സന്ദേശം കൂടി പങ്കുവച്ചായിരുന്നു ഭാരത് ജോഡോ യാത്ര.
ഒന്നിച്ച് പോകണമെന്ന കര്ശന നിര്ദ്ദേശമാണ് സിദ്ധരാമയ്യക്കും ശിവകുമാറിനും കോണ്ഗ്രസ് അധ്യക്ഷ നല്കിയത് .രാജ്യത്ത് ഐക്യം ഊട്ടിയുറപ്പിക്കാന് നടത്തുന്ന യാത്ര കര്ണാടക കോണ്ഗ്രസിലെയും ഭിന്നത പരിഹരിക്കുമെന്നാണ് ഹൈക്കമാന്ഡ് പ്രതീക്ഷ. കോണ്ഗ്രസ് ശക്തികേന്ദ്രങ്ങളിലൂടെ നടന്ന പദയാത്രയ്ക്ക് കേരളത്തിലേത് പോലെ മികച്ച ജനപങ്കാളിത്തമാണ് കാണുന്നത്. വരും ദിവസങ്ങളില് ബിജെപി ഭരണമുള്ള മേഖലയിലൂടെയാണ് ഭാരത് ജോഡോ യാത്ര.