പത്തനംതിട്ട: റാന്നിക്കു സമീപം തുലാപ്പള്ളിയില്‍ പതിനേഴുകാരന്‍ പിതൃസഹോദരനെ കുത്തിക്കൊലപ്പെടുത്തി. പമ്പാവാലി തുലാപ്പള്ളി ഐത്തലപ്പടിയില്‍ താമസിക്കുന്ന ചരിവുകാലായില്‍ സാബു(50) ആണ് കുത്തേറ്റു മരിച്ചത്. വെള്ളിയാഴ്ച വൈകീട്ട് ആറിന് വീട്ടില്‍ നിന്നു കുത്തേറ്റതിനെ തുടര്‍ന്ന് കോട്ടയം മെഡിക്കല്‍ കോളജ് ആശുപത്രിയില്‍ ചികില്‍സയിലിരിക്കെ ശനിയാഴ്ച രാവിലെ 6.30ഓടെയാണ് മരിച്ചത്. വയറിനേറ്റ ആഴത്തിലുള്ള പരിക്കാണ് മരണകാരണം. മാനസിക വൈകല്യത്തിന് ചികില്‍സ തേടിയിരുന്ന സാബു വീട്ടില്‍ നിരന്തരം പ്രശ്‌നങ്ങള്‍ സൃഷ്ടിച്ചിരുന്നുവെന്ന് പറയുന്നു. ഇതുസംബന്ധിച്ച തര്‍ക്കമാണ് കത്തിക്കുത്തില്‍ കലാശിച്ചതെന്ന് പറയപ്പെടുന്നു. കൃത്യത്തിനു ശേഷം രക്ഷപ്പെട്ട പ്രതിയെ പോലിസ് പിടികൂടിയതായാണു സൂചന.
Paternal uncle stabbed to death in Ranni; 17-year-old in custody