പന്തീരാങ്കാവ് യുഎപിഎ കേസ്: പരോള്‍ ലഭിച്ച അലന് ഷുഹൈബിനെ വീട്ടിലെത്തിച്ചു
കോഴിക്കോട്: പന്തീരാങ്കാവ് യുഎപിഎ കേസിലെ പ്രതിയായ അലന് ഷുഹൈബിനെ പരോള്‍ ലഭിച്ചതിനെ തുടര്‍ന്ന് വീട്ടിലെത്തിച്ചു. ചൊവ്വാഴ്ച രാവിലെ 10.30ഓടെയാണ് അലന് ഷുഹൈബിനെ പന്നിയങ്കരയിലെ വീട്ടിലെത്തിച്ചത്. മാതാവിന്റെ മാതാവിനു അസുഖമായതിനാല്‍ പരോള്‍ അനുവദിക്കണമെന്ന അപേക്ഷയിലാണ് അലന് അനുകൂല നടപടിയുണ്ടായത്. തുടര്‍ന്ന് മൂന്നുമണിക്കൂര്‍ നേരത്തേക്കാണ് വീട്ടിലെത്താന്‍ പരോള്‍ അനുവദിച്ചത്. മാവോവാദി ബന്ധം ആരോപിച്ചാണ് നിയമ വിദ്യാര്‍ഥിയായ അലന് ഷുഹൈബിനെയും ജേണലിസം വിദ്യാര്‍ഥിയായ താഹ ഫസലിനെയും പന്തീരാങ്കാവ് പോലിസ് അറസ്റ്റ് ചെയ്ത് യുഎപിഎ ചുമത്തിയത്. പിന്നീട് കേസ് എന്‍ഐഎ ഏറ്റെടുക്കുകയായിരുന്നു.
Pantheerankav UAPA case: Alan Shuhaib sent home after receiving parole