രാജ്യത്തിന്റെ പ്രധാനമന്ത്രിയായി തുടരാന്‍ മോദിക്ക് അവകാശമില്ല: എസ്ഡിപിഐ

ന്യൂഡല്‍ഹി: കൊവിഡ് 19 മഹാമാരി കൈകാര്യം ചെയ്യുന്നതില്‍ പരാജയപ്പെട്ടതിന്റെ പേരില്‍ മോദിക്ക് രാജ്യത്തിന്റെ പ്രധാനമന്ത്രിയായി തുടരാനുള്ള എല്ലാ അവകാശങ്ങളും നഷ്ടപ്പെട്ടുവെന്ന് എസ്ഡിപിഐ ദേശീയ പ്രസിഡന്റ് എം കെ ഫൈസി. പ്രധാനമന്ത്രി സ്ഥാനത്തിന് താന്‍ യോഗ്യനല്ലെന്ന് അദ്ദേഹം തെളിയിച്ചിരിക്കുകയാണ്.

കൊവിഡ് മഹാമാരിയുടെ രണ്ടാം തരംഗത്തില്‍ രാജ്യം കടുത്ത ആരോഗ്യ പ്രതിസന്ധിയും അനിയന്ത്രിതമായ മരണവും അഭിമുഖീകരിക്കുമ്പോള്‍, ''റോം കത്തുമ്പോള്‍ നീറോ വീണ വായിക്കുന്നു'' എന്ന നൂറ്റാണ്ടുകള്‍ പഴക്കമുള്ള പഴമൊഴിയെ അനുസ്മരിപ്പിക്കുന്ന മോദി, പൗരന്മാരുടെ ജീവനുപകരം വമ്പിച്ച തിരഞ്ഞെടുപ്പ് റാലികള്‍ നടത്തുന്നതിലും അതില്‍ അഭിമാനിക്കുന്നതിലുമാണ് ശ്രദ്ധിക്കുന്നത്.

കൊവിഡ് 19 വ്യാപനവും തുടര്‍ന്നുള്ള മരണങ്ങളും എല്ലാ പരിധികളെയും മറികടന്നിരിക്കുന്നു, പ്രത്യേകിച്ച് ഗുജറാത്ത്, ഉത്തര്‍പ്രദേശ് തുടങ്ങിയ സംസ്ഥാനങ്ങളില്‍. ഈ സംസ്ഥാനങ്ങളിലെ ആശുപത്രികളിലെ രോഗികളെ പാര്‍പ്പിക്കുന്നതിനോ ഓക്‌സിജന്‍ വിതരണം ചെയ്യുന്നതിനോ മതിയായ സംവിധാനങ്ങളില്ല. അനിയന്ത്രിതമായി മരണങ്ങള്‍ സംഭവിക്കുന്നു. ഗുജറാത്തിലെ ഒരു ശ്മശാനത്തിലെ ഗ്യാസ്, വിറക് ചൂളകള്‍ കൊവിഡ് 19 മഹാമാരിയുടെ സമയത്ത് ഇടവേളകളില്ലാതെ പ്രവര്‍ത്തിച്ചതിനാല്‍ ലോഹ ഭാഗങ്ങള്‍ ഉരുകാന്‍ തുടങ്ങി. പകര്‍ച്ചവ്യാധി നിയന്ത്രിക്കുന്നതിനെ കുറിച്ച് യാതൊരു ധാരണയുമില്ലാതെ കേന്ദ്ര-സംസ്ഥാന സര്‍ക്കാരുകള്‍ ഇരുട്ടില്‍ തപ്പുകയാണ്.

ഇരട്ട വ്യതിയാനം സംഭവിച്ച ബി.1.617 നോവല്‍ കൊറോണ വൈറസ് 2020 ഒക്ടോബറില്‍ തന്നെ കണ്ടെത്തിയെങ്കിലും ആരോഗ്യവകുപ്പ് ഉദ്യോഗസ്ഥര്‍ അതിന്റെ വ്യാപനത്തെക്കുറിച്ച് ശ്രദ്ധിച്ചില്ല. പകരം, കോവിഡ് 19 നെതിരെ ''വിജയകരമായ യുദ്ധം'' നേടിയതിന് മോദിയെ അന്ധമായി പ്രശംസിക്കുന്നതില്‍ മന്ത്രിമാരും കൂട്ടാളികളും പാദസേവകരും മുഴുകുകയായിരുന്നു. മാര്‍ച്ച് ആദ്യം കേന്ദ്ര ആരോഗ്യമന്ത്രി ഹര്‍ഷ് വര്‍ധന്‍ കൊവിഡ് -19 മഹാമാരിക്കെതിരായ പോരാട്ടം രാജ്യത്ത് അന്തിമഘട്ടത്തിലാണെന്നു പ്രഖ്യാപിച്ചു. മോദിയുടെ നേതൃത്വത്തെ 'അന്താരാഷ്ട്ര സഹകരണത്തില്‍ ലോകത്തിന് ഒരു മാതൃക' എന്ന് അദ്ദേഹം പ്രശംസിച്ചു. മോഡിയെ വാക്‌സിന്‍ ഗുരു എന്നാണ് വിശേഷിപ്പിച്ചത്. നയതന്ത്രത്തിന്റെ ഭാഗമായി ഇന്ത്യ വിദേശ രാജ്യങ്ങളിലേക്ക് വാക്‌സിന്‍ ഡോസുകള്‍ അയയ്ക്കാന്‍ തുടങ്ങിയിരുന്നു.

ഒരു മാസത്തിനുള്ളില്‍ കാര്യങ്ങള്‍ കീഴ്‌മേല്‍ മറിഞ്ഞു. ഏപ്രില്‍ പകുതിയോടെ പ്രതിദിനം ശരാശരി അണുബാധകള്‍ ഒരു ലക്ഷത്തിലധികം കേസുകളായി ഉയര്‍ന്നു. കഴിഞ്ഞ ഞായറാഴ്ച രാജ്യത്ത് 270,000 കേസുകളും 1,600 മരണങ്ങളും രേഖപ്പെടുത്തി. 'ദി ലാന്‍സെറ്റ് കൊവിഡ് -19 കമ്മീഷന്റെ' റിപോര്‍ട്ട് അനുസരിച്ച്, അണുബാധ ശരിയായി പരിശോധിച്ചില്ലെങ്കില്‍ ജൂണ്‍ ആദ്യ വാരത്തോടെ രാജ്യത്ത് എല്ലാ ദിവസവും 2300 മരണങ്ങള്‍ രേഖപ്പെടുത്തുമെന്ന് ആശങ്കപ്പെടുന്നു.

രണ്ടാമത്തെ തരംഗമായ കൊവിഡ് 19 മഹാമാരി പൊതുജനാരോഗ്യ അടിയന്തരാവസ്ഥയായി പരിഗണിക്കാന്‍ കേന്ദ്രസര്‍ക്കാര്‍ ഏഴുമാസമെടുത്തു. രാജ്യത്തെ 150 ജില്ലാ ആശുപത്രികളില്‍ ഓക്‌സിജന്‍ ഉല്‍പാദിപ്പിക്കുന്ന പ്ലാന്റുകള്‍ സ്ഥാപിക്കുന്നതിനുള്ള ടെന്‍ഡറുകള്‍ ആരംഭിച്ചു. സ്ഥാപിച്ച 11 പ്ലാന്റുകളില്‍ അഞ്ചെണ്ണം മാത്രമാണ് ഇപ്പോള്‍ പ്രവര്‍ത്തിക്കുന്നത്. കൊവിഡ് രോഗികള്‍ക്ക് ശ്വാസകോശത്തിലെ ലോഡ് കുറയ്ക്കുന്നതിന് ഓക്‌സിജന്‍ ലഭിക്കേണ്ടതുണ്ട്. കഴിഞ്ഞ രണ്ട് മാസമായി ഇന്ത്യയുടെ കേസ് ഉയര്‍ന്നതിനാല്‍, ആവശ്യമായ അളവില്‍ ഓക്‌സിജന്‍ ലഭിക്കാതെ രോഗികള്‍ ബുദ്ധിമുട്ടുന്നു.

മഹാമാരി പ്രതിസന്ധിയും പ്രതിരോധ കുത്തിവയ്പ്പും കൈകാര്യം ചെയ്യുന്നതില്‍ മോദി സര്‍ക്കാര്‍ തീര്‍ത്തും പരാജയപ്പെട്ടു. രാജ്യം കടുത്ത വാക്‌സിന്‍ ക്ഷാമം നേരിടുകയാണ്. എവിടെ നിന്ന് അല്ലെങ്കില്‍ എപ്പോള്‍ കൂടുതല്‍ ഡോസുകള്‍ ലഭ്യമാകുമെന്ന് വ്യക്തമല്ല. സജീവമായ കേസുകളുടെ എണ്ണം 20 ലക്ഷത്തില്‍ കൂടുതലാണ്. ലോകമെമ്പാടുമുള്ള മൂന്നാമത്തെ വാക്‌സിന്‍ ഡോസ് കുത്തിവച്ചെങ്കിലും, 1.3 ബില്യണ്‍ ജനങ്ങളില്‍ ചെറിയൊരു ഭാഗം മാത്രമാണ് ഇന്ത്യയില്‍ ഉള്‍പ്പെടുത്തിയിരിക്കുന്നത്.

ലോകത്തിലെ ഏറ്റവും വലിയ വാക്‌സിന്‍ നിര്‍മാതാക്കളായ സെറം ഇന്‍സ്റ്റിറ്റ്യൂട്ട് ഓഫ് ഇന്ത്യ (എസ്ഐഐ) ഇന്ത്യയുടെ ഉടമസ്ഥതയിലുള്ളതാണ്. ആഗോളതലത്തില്‍ വില്‍ക്കുന്ന വാക്‌സിനുകളില്‍ 60 ശതമാനത്തിലധികം രാജ്യം ഉത്പാദിപ്പിക്കുന്നു. കഴിഞ്ഞ വര്‍ഷം പ്രഖ്യാപിച്ച പ്രാരംഭ കരാര്‍ പ്രകാരം 92 രാജ്യങ്ങളിലേക്കുള്ള 200 ദശലക്ഷം ഡോസുകള്‍ വരെ എസ്ഐഐ നിര്‍മ്മിക്കും.

അമിത ആത്മവിശ്വാസം, ശരിയായ ഫോളോ അപ്പ് പഠനങ്ങളുടെയും പ്രതിരോധ നടപടികളുടെയും അഭാവം മൂലം പൗരന്മാര്‍ക്ക് ആവശ്യമായ അളവില്‍ വാക്‌സിന്‍ ഉറപ്പാക്കുന്നതില്‍ സര്‍ക്കാര്‍ പരാജയപ്പെട്ടു. വാക്സിന്‍ വിതരണം തടസ്സപ്പെടാന്‍ ഇത് കാരണമായി. സംസ്ഥാനങ്ങള്‍ കടുത്ത ക്ഷാമം റിപോര്‍ട്ട് ചെയ്യുകയും കേന്ദ്ര സര്‍ക്കാരിനെ നടപടിയെടുക്കാന്‍ പ്രേരിപ്പിക്കുകയും ചെയ്തു. സ്വയം നിര്‍ണിത വിലയ്ക്ക് നിര്‍മ്മാതാക്കളില്‍ നിന്ന് നേരിട്ട് ഡോസുകള്‍ വാങ്ങാന്‍ മോദി സംസ്ഥാന സര്‍ക്കാരുകളോട് ആവശ്യപ്പെട്ടിട്ടുണ്ട്.

കഴിഞ്ഞ ദിവസം പ്രധാനമന്ത്രിയെ അഭിസംബോധന ചെയ്ത ഒരു ഫേസ്ബുക്ക് ട്രോള്‍ പോസ്റ്റ്, കോവിഡ് 19 പാന്‍ഡെമിക് കൈകാര്യം ചെയ്യുന്നതില്‍ പ്രധാനമന്ത്രിയുടെ കഴിവില്ലായ്മ വ്യക്തമായി ചിത്രീകരിക്കുന്നു ''ഓരോരുത്തരും സ്വയം ശ്രദ്ധിക്കുക, സര്‍ക്കാര്‍ നിങ്ങള്‍ക്കായി ഒന്നും ചെയ്യില്ല. രാജ്യത്തെ നിലവിലെ പാന്‍ഡെമിക് സാഹചര്യം മോദിയുടെ നേതൃത്വത്തിലുള്ള കേന്ദ്രസര്‍ക്കാരിന്റെ കഴിവില്ലായ്മയെ സാക്ഷ്യപ്പെടുത്തുന്നു. അതിനാല്‍ മോദി പ്രധാനമന്ത്രി സ്ഥാനം രാജിവച്ച് രാജ്യത്തെയും ജനങ്ങളെയും രക്ഷിക്കണമെന്നും ഫൈസി ആവശ്യപ്പെട്ടു.