മാധ്യമ വിലക്ക്: കേന്ദ്ര നടപടിക്കെതിരേ എസ് ഡിപിഐ ദേശീയപാത ഉപരോധിച്ചു(വീഡിയോ)
കണ്ണൂര്: ഡല്ഹി കലാപം സംബന്ധിച്ച് റിപോര്ട്ട് നല്കിയതിനു ഏഷ്യാനെറ്റ് ന്യൂസ്, മീഡിയാ വണ് ചാനലുകള്ക്ക് പ്രക്ഷേപണ വിലക്ക് ഏര്പ്പെടുത്തിയ കേന്ദ്രസര്ക്കാര് നടപടിയില് പ്രതിഷേധിച്ച് എസ് ഡിപി ഐ സംസ്ഥാനത്തിന്റെ വിവിധ ഭാഗങ്ങളില് പ്രകടനം നടത്തി. കണ്ണൂര് ടൗണില് ദേശീയപാത ഉപരോധിച്ചു. ഉപരോധ സമരത്തിനു എസ് ഡിപി ഐ സംസ്ഥാന ഖജാഞ്ചി അജ്മല് ഇസ്മായില്, ജില്ലാ പ്രസിഡന്റ് എ സി ജലാലുദ്ദീന്, ജനറല് സെക്രട്ടറി ബഷീര് കണ്ണാടിപ്പറമ്പ്, ജില്ലാ കമ്മിറ്റിയംഗങ്ങളായ ഇബ്രാഹീം കൂത്തുപറമ്പ്, സി കെ ഉമര് മാസ്റ്റര്, എ ആസാദ്, ബി ഹാഷിം തുടങ്ങിയവര് നേതൃത്വം നല്കി. സ്ത്രീകളും കുട്ടികളും ഉള്പ്പെടെ നിരവധി പേര് പ്രതിഷേധത്തില് പങ്കാളികളായി.