പറച്ചില്‍ മാത്രം, ഒന്നും നടക്കുന്നില്ല; പൊതുബജറ്റ് പൊള്ളയെന്ന് രാഹുല്‍ ഗാന്ധി
പൊതുബജറ്റില്‍ രാജ്യം നേരിടുന്ന പ്രധാനപ്രശ്‌നങ്ങള്‍ പരിഹരിക്കാനുള്ള പ്രഖ്യാപനങ്ങളൊന്നും ഇല്ലെന്ന് രാഹുല്‍ കുറ്റപ്പെടുത്തി.
ന്യൂഡല്‍ഹി: മോദി സര്‍ക്കാരിന്റെ രണ്ടാം ബജറ്റിനെതിരേ വിമര്‍ശനവുമായി കോണ്‍ഗ്രസ് നേതാവ് രാഹുല്‍ ഗാന്ധി. പൊതുബജറ്റില്‍ രാജ്യം നേരിടുന്ന പ്രധാനപ്രശ്‌നങ്ങള്‍ പരിഹരിക്കാനുള്ള പ്രഖ്യാപനങ്ങളൊന്നും ഇല്ലെന്ന് രാഹുല്‍ കുറ്റപ്പെടുത്തി.രാജ്യം നേരിടുന്ന പ്രധാനപ്രശ്‌നമാണ് തൊഴിലില്ലായ്മ. എന്നാല്‍ ഇത് നേരിടാനുള്ള പദ്ധതികളൊന്നും ബജറ്റില്‍ പ്രഖ്യാപിച്ചിട്ടില്ല. തന്ത്രപരമായ പല പ്രഖ്യാപനങ്ങളും ബജറ്റില്‍ നടന്നു. എന്നാല്‍ അവയെല്ലാം വെറും വാക്കുകളായി അവസാനിക്കുമെന്നും രാഹുല്‍ പറഞ്ഞു.
ചില കൗശലങ്ങള്‍ മാത്രമാണ് ബജറ്റില്‍ കാണാനായത്. സര്‍ക്കാരിനെ വെളിപ്പെടുത്തുന്നതാണ് ബജറ്റ്. നിരവധി ആവര്‍ത്തനങ്ങളും ലക്ഷ്യമില്ലായ്മയുമാണ് ബജറ്റിലുളളത്. ബജറ്റ് പ്രതിഫലിപ്പിക്കുന്നത് സര്‍ക്കാരിന്റെ മനോനിലയാണ്. പറച്ചില്‍ മാത്രമേ ഉളളൂ എന്നും പ്രവൃത്തിയില്‍ ഒന്നും ഇല്ലെന്നും രാഹുല്‍ ഗാന്ധി പരിഹസിച്ചു.
Our youth want jobs. Instead they got the longest budget speech in parliamentary history that said absolutely nothing of consequence.
— Rahul Gandhi (@RahulGandhi) February 1, 2020
PM & FM both looked like they have absolutely no clue what to do next.
#Budget2020 pic.twitter.com/5oUCs8rp32