കശ്മീരികളുടെ സ്ഥിതി അസ്ഥിരം; മെച്ചപ്പെടുത്തേണ്ടതുണ്ടെന്ന് ജര്‍മന്‍ ചാന്‍സലര്‍
ന്യൂഡല്‍ഹിയിലേക്കുള്ള യാത്രക്കിടെ തന്നോടൊപ്പമുള്ള മധ്യമ പ്രവര്‍ത്തകരോട് സംസാരിക്കുകയായിരുന്നു മെര്‍ക്കല്‍.
ന്യൂഡല്‍ഹി: കശ്മീരി ജനതയുടെ സ്ഥിതി അസ്ഥിരമാണെന്നും അത് മെച്ചപ്പെടുത്തേണ്ടതുണ്ടെന്നും ജര്‍മന്‍ ചാന്‍സലര്‍ ആന്‍ജലാ മെര്‍ക്കല്‍. ന്യൂഡല്‍ഹിയിലേക്കുള്ള യാത്രക്കിടെ തന്നോടൊപ്പമുള്ള മധ്യമ പ്രവര്‍ത്തകരോട് സംസാരിക്കുകയായിരുന്നു മെര്‍ക്കല്‍.
വെള്ളിയാഴ്ച വൈകീട്ട് പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ചയില്‍ ഇക്കാര്യം ഉന്നയിക്കുമെന്നും അവര്‍ പറഞ്ഞു. കശ്മീര്‍ സംബന്ധിച്ച ഇന്ത്യയുടെ നിലപാടിനെക്കുറിച്ച് അറിയാമെന്നും എന്നാല്‍, പ്രദേശത്ത് സമാധാനം പുനസ്ഥാപിക്കാനുള്ള പ്രധാനമന്ത്രിയുടെ പദ്ധതികള്‍ എന്തൊക്കെയാണെന്ന് കേള്‍ക്കാന്‍ ആഗ്രഹിക്കുന്നതായും അവര്‍ പറഞ്ഞു.