വൈപ്പിന്‍: മാര്‍ച്ച് 8 അന്താരാഷ്ട്ര വനിതാ ദിനത്തില്‍ വിമന്‍ ഇന്ത്യ മൂവ്‌മെന്റ് വൈപ്പിന്‍ മണ്ഡലം കമ്മിറ്റിയുടെ ആഭിമുഖ്യത്തില്‍ വനിതാ സംഗമവും ഹരിത കര്‍മസേന അംഗങ്ങള്‍ക്ക് ഗ്ലൗസ് വിതരണവും സംഘടിപ്പിച്ചു. മണ്ഡലം പ്രസിഡന്റ് ജൈസത് സുബൈര്‍ അധ്യക്ഷത വഹിച്ചു. എടവനക്കാട് പഞ്ചായത്ത് പ്രസിഡന്റ് ഹസീന അബ്ദുസ്സലാം ഉദ്ഘാടനം ചെയ്തു. സ്ത്രീ ശാക്തീകരണത്തിനും സ്ത്രീകളുടെ ഉന്നമനത്തിനും വേണ്ടി പ്രവര്‍ത്തിക്കുന്ന സംഘടനയാണ് വിമന്‍ ഇന്ത്യ മൂവ്‌മെന്റ് എന്നും ഓരോ സ്ത്രീയും തങ്ങളുടെ ശക്തി തിരിച്ചറിഞ്ഞു ആത്മവിശ്വാസത്തോടെ പ്രവര്‍ത്തിച്ചാല്‍ നമ്മളെ അടിച്ചമര്‍ത്താന്‍ സാധിക്കില്ലെന്നും അവര്‍ അഭിപ്രായപ്പെട്ടു. വിമന്‍ ഇന്ത്യാ ജില്ലാ കമ്മിറ്റി അംഗങ്ങളായ സനിതാ കെബീര്‍, റസീന സമദ്, രണ്ടാം വാര്‍ഡ് മെംബര്‍ സുനൈന സുധീര്‍, മണ്ഡലം സെക്രട്ടറി റുക്‌സാന സത്താര്‍, ജെസ്‌ന അമീര്‍ സംസാരിച്ചു.