"ചവിട്ടി കൂട്ടണമായിരുന്നു ആ പട്ടി കമ്മിണിയെ"; ബിന്ദു അമ്മിണിക്കെതിരേ പോലിസുദ്യോഗസ്ഥന്റെ ഫേസ്ബുക്ക് കമന്റ്
ഈ പോലിസുദ്യോഗസ്ഥൻ ബിജെപി-ആർഎസ്എസ് അനുഭാവിയാണെന്ന് തെളിയിക്കുന്നതാണ് അദ്ദേഹത്തിന്റെ ഫേസ്ബുക്ക് അക്കൗണ്ട്.
കോഴിക്കോട്: ആക്ടിവിസ്റ്റും കോഴിക്കോട് ഗവ. ലോ കോളജ് ഗസ്റ്റ് അധ്യാപികയുമായ ബിന്ദു അമ്മിണിയെ സംഘപരിവാർ പ്രവർത്തകൻ മർദ്ദിച്ചതിനെ അനുകൂലിച്ച് പോലിസ് ഉദ്യോഗസ്ഥൻ. സാമൂഹിക പ്രവർത്തക ധന്യാ രമനാണ് പോലിസുദ്യോഗസ്ഥന്റെ കമന്റ് സാമൂഹിക മാധ്യമത്തിൽ പോസ്റ്റ് ചെയ്തിരിക്കുന്നത്.
ചവിട്ടി കൂട്ടണമായിരുന്നു ആ പട്ടി കമ്മിണിയെ എന്നായിരുന്നു രമേശൻ എന്ന പോലിസ് ഉദ്യോഗസ്ഥൻ കമന്റ് ചെയ്തിരിക്കുന്നത്. ഇതിനോടകം വ്യാപക വിമർശനമാണ് ഉയർന്നിരിക്കുന്നതെങ്കിലും പോലിസിൽ നിന്നോ, ആ ഉദ്യോഗസ്ഥനിൽ നിന്നോ പ്രതികരണമൊന്നും പുറത്തുവന്നിട്ടില്ല.
ഈ പോലിസുദ്യോഗസ്ഥൻ ബിജെപി-ആർഎസ്എസ് അനുഭാവിയാണെന്ന് തെളിയിക്കുന്നതാണ് അദ്ദേഹത്തിന്റെ ഫേസ്ബുക്ക് അക്കൗണ്ട്. സർക്കാർ ജോലിയിലുള്ളവർ രാഷ്ട്രീയ വിഷയങ്ങളിൽ സാമൂഹിക മാധ്യമങ്ങളിൽ ഇടപെടുന്നതിൽ നിലവിൽ സംസ്ഥാനത്ത് നിയന്ത്രണമുണ്ട്. ആ നിയന്ത്രണം നിലവിൽ നിൽക്കേയാണ് പോലിസ് സേനയിലെ തന്നെ ഉദ്യോഗസ്ഥൻ വിദ്വേഷ നിലപാടുമായി രംഗത്തുവന്നിരിക്കുന്നത്.