യുപിയിൽ ഓട്ടോയില് നിന്ന് വലിച്ചിറക്കി റോഡരികിലിട്ട് കൗമാരക്കാരിയെ ലൈംഗികമായി പീഡിപ്പിച്ചു
ഒറ്റപ്പെട്ട സ്ഥലത്തുവച്ച് ഇവര് വാഹനം തടഞ്ഞ് പെണ്കുട്ടിയെ ലൈംഗികമായി പിഡിപ്പിച്ചത്. പീഡിപ്പിക്കുന്നതിന്റെ വീഡിയോ പ്രതികള് സാമൂഹിക മാധ്യമങ്ങളില് പങ്കുവച്ചതിന് പിന്നാലെ വ്യാപകമായി പ്രചരിക്കുകയും ചെയ്തിരുന്നു.
ലഖ്നോ: അമ്മായിയോടൊപ്പം ഓട്ടോയില് യാത്ര ചെയ്യവെ കൗമാരക്കാരിയെ വാഹനത്തില് നിന്ന് വലിച്ചിറക്കി ഒരുകൂട്ടം ആളുകള് ലൈംഗികമായി പീഡിപ്പിച്ചതായി പരാതി. ഏപ്രില് 23ന് കേസിനാസ്പദമായ സംഭവം നടന്നതെന്ന് പോലിസ് പറഞ്ഞു. ഉത്തര്പ്രദേശിലെ ഗോണ്ടയിലാണ് സംഭവം.
നാലു യുവാക്കള് ചേര്ന്ന് ഓട്ടോ തടഞ്ഞുനിര്ത്തി പെണ്കുട്ടിയെ വാഹനത്തില് നിന്ന് വലിച്ചിറക്കുകയും റോഡ് സൈഡിലെ കുറ്റിക്കാട്ടിലേക്ക് വലിച്ചിഴച്ച് വസ്ത്രങ്ങള് വലിച്ചുകീറി ലൈംഗികമായി പീഡിപ്പിക്കുകയായിരുന്നു. ഇതിന്റെ വിഡീയോ പകര്ത്തിയതായും പോലിസ് പറയുന്നു.
പ്രതികള്ക്കെതിരേ എഫ്ഐആര് രജിസ്റ്റര് ചെയ്തതായും അവരെ പിടികൂടാന് തിരച്ചില് ഊര്ജ്ജിതമാക്കിയതായും പോലിസ് പറഞ്ഞു. ചിത്രീകരിച്ച വീഡിയോ പ്രതികള് സാമൂഹിക മാധ്യമങ്ങളില് പങ്കുവയ്ക്കുകയും ചെയ്തിരുന്നതായും പോലിസ് പറഞ്ഞു.
വീഡിയോ വൈറലായതിന് പിന്നാലെ പ്രതികള്ക്കെതിരേ കേസ് എടുത്തതായി പോലിസ് പറഞ്ഞു. കൂടാത പെണ്കുട്ടിയുടെ അമ്മായിയും പോലിസില് പരാതി നല്കിയിരുന്നതായും എഎസ്പി പറഞ്ഞു. അമ്മായിയ്ക്കൊപ്പം ബന്ധുവീട്ടിലേക്ക് പോകുന്നതിനിടെയാണ് ഒറ്റപ്പെട്ട സ്ഥലത്തുവച്ച് ഇവര് വാഹനം തടഞ്ഞ് പെണ്കുട്ടിയെ ലൈംഗികമായി പിഡിപ്പിച്ചത്. പീഡിപ്പിക്കുന്നതിന്റെ വീഡിയോ പ്രതികള് സാമൂഹിക മാധ്യമങ്ങളില് പങ്കുവച്ചതിന് പിന്നാലെ വ്യാപകമായി പ്രചരിക്കുകയും ചെയ്തിരുന്നു.