ജര്‍മനിയില്‍ വെടിവയ്പ്പില്‍ ആറുപേര്‍ കൊല്ലപ്പെട്ടു
ജര്‍മന്‍ സ്വദേശിയെ തന്നെയാണ് പിടികൂടിയിരിക്കുന്നതെന്നാണ് പ്രാഥമിക റിപ്പോര്‍ട്ട്. പരുക്കേറ്റവരില്‍ പലരും ഒരേ കുടുംബത്തില്‍ നിന്നുള്ളവരാണ്.
ബെര്‍ലിന്‍: ജര്‍മനിയില്‍ വെടിവയ്പ്പില്‍ ആറ് പേര്‍ കൊല്ലപ്പെട്ടതായി റിപ്പോര്‍ട്ട്. ജര്‍മനിയുടെ തെക്കു പടിഞ്ഞാറന്‍ പട്ടണമായ റോട്ട് ആം സീയിലാണ് വെടിവയ്പ്പുണ്ടായത്. നിരവധിപേര്‍ക്ക് പരുക്കേറ്റതായി അന്താരാഷ്ട്ര മാധ്യമങ്ങള്‍ റിപ്പോര്‍ട്ട് ചെയ്യുന്നു.
പ്രതിയെന്ന് സംശയമുള്ള ഒരാളെ പിടികൂടിയിട്ടുണ്ടെന്ന് പോലിസ് പറഞ്ഞു. കൂടുതല്‍ പേര്‍ ഉണ്ടോ എന്ന കാര്യത്തില്‍ ഉറപ്പില്ലെന്നും പോലിസ് വ്യക്തമാക്കി. ഇതുവരെ ലഭിച്ച വിവരങ്ങള്‍ അനുസരിച്ച് ആറ് പേര്‍ കൊല്ലപ്പെട്ടതായാണ് പോലിസ് റിപ്പോര്‍ട്ട് ചെയ്യുന്നത്.
ജര്‍മന്‍ സ്വദേശിയെ തന്നെയാണ് പിടികൂടിയിരിക്കുന്നതെന്നാണ് പ്രാഥമിക റിപ്പോര്‍ട്ട്. പരുക്കേറ്റവരില്‍ പലരും ഒരേ കുടുംബത്തില്‍ നിന്നുള്ളവരാണ്.